ທ່ານ ເອກອັກຄະລັດຖະທູດ ຟີລິບປິນ Noel Servigon ແລະ ທ່ານນາງປະທານສະພາແຫ່ງຊາດ ຫງວຽນທິກິມເງິນ
(vovworld) – ຕອນບ່າຍວັນທີ 23/8, ທີ່ສຳນັກງານສະພາແຫ່ງຊາດ, ທ່ານປະທານສະພາແຫ່ງຊາດ ຫງວຽນທິກິມເງິນ ໄດ້ໃຫ້ການຕ້ອນຮັບເອກອັກຄະລັດຖະທູດ ນິວຊີແລນ Haike Manning. ທ່ານປະທານສະພາແຫ່ງຊາດ ຫງວຽນທິກິມເງິນ ຢັ້ງຢືນວ່າ: ຫວຽດນາມ ຍາມໃດກໍ່ຖືການພົວພັນຄູ່ຮ່ວມມືຮອບດ້ານກັບ ນິວຢີແລນ ເປັນສຳຄັນ. ທ່ານປະທານສະພາແຫ່ງຊາດ ເຊື່ອໝັ້ນວ່າ: ບັນດາຂໍ້ຕົກລົງທີ່ບັນລຸໄດ້ໃນການຢ້ຽມຢາມຂັ້ນສູງລະຫວ່າງ 2 ປະເທດຈະສ້າງກຳລັງໜູນໃໝ່, ນຳການພົວພັນ 2 ປະເທດສືບຕໍ່ພັດທະນາຢ່າງແຮງ, ເລິກເຊິ່ງກ່ວາໃນໄລຍະຈະມາເຖິງ.ທ່ານນາງ ຫງວຽນທິກິມເງິນ ກໍ່ສະເຫນີ ນິວຊີແລນ ແລກປ່ຽນ, ແບ່ງປັນບົດຮຽນກ່ຽວກັບສັນຍາ TPP, ສ້າງຄວາມສະດວກເພື່ອປະຕິບັດສຳເລັດບັນດາລະບຽບການເປີດປະຕູຕະຫຼາດສິນຄ້າ, ພິເສດແມ່ນສິນຄ້າປະເພດໝາກໄມ້ ຫວຽດນາມ ແລະ ຊຸກຍູ້ນຳຜະລິດຕະພັນກະເສດ, ເຄື່ອງປ່າຂອງດົງ, ສິນໃນນ້ຳຂອງ ຫວຽດນາມ ໄປຂາຍໃຫ້ນິວຊີແລນ…
ກໍ່ໃນຕອນບ່າຍວັນດຽວກັນ, ທ່ານນາງປະທານສະພາແຫ່ງຊາດ ຫງວຽນທິກິມເງິນ ໄດ້ໃຫ້ການຕ້ອນຮັບທ່ານ ເອກອັກຄະລັດຖະທູດ ຟີລິບປິນ Noel Servigon. ທ່ານປະທານສະພາແຫ່ງຊາດ ຫງວຽນທິກິມເງິນ ຢັ້ງຢືນວ່າ: ຫວຽດນາມ ຕີລາຄາສູງ ແລະ ຍາມໃດກໍ່ຈະຮ່ວມມືຢ່າງແໜ້ນແຟ້ນກັບສະພາແຫ່ງຊາດ ຟີລິບປິນ, ປັບປຸງ ແລະ ເພີ່ມທະວີການພົວພັນຄູ່ຮ່ວມມືຍຸດທະສາດລະຫວ່າງ 2 ປະເທດ, ປະກອບສ່ວນຕັ້ງໜ້າເຂົ້າໃນການຮັກສາຄວາມສາມັກຄີ, ເປັນເອກະພາບໃນອາຊຽນ.