(ທ່ານປະທານສະພາແຫ່ງຊາດຫວຽດນາມ ຫງວຽນຊິງຮຸ່ງ)
(vovworld) - ຕອນເຊົ້າວັນທີ 29/03, ທ່ານປະທານສະພາແຫ່ງຊາດຫວຽດນາມ ຫງວຽນຊິງຮຸ່ງ ໄດ້ລົງຢ້ຽມຢາມ ແລະ ກວດກາໂຄງການກໍ່ສ້າງຊົນນະບົດໃໝ່ຢູ່ຕາແສງ ເຕີນຈ່າວ, ເມືອງເຊີນເຢືອງ, ແຂວງຕວຽນກວາງ. ເມື່ອພົບປະກັບພໍ່ແມ່ປະຊາຊົນຜູ້ມີສິດເລືອກຕັ້ງຕາແສງເຕີນຈ່າວ, ພ້ອມກັບຜູ້ຕ່າງໜ້າການນຳເມືອງ ເຊີນເຢືອງ ແລະ ແຂວງ ຕວຽນກວາງ, ທ່ານປະທານສະພາແຫ່ງຊາດ ຫງວຽນຊິງຮຸ່ງ ໄດ້ສະເໜີໃຫ້ອົງຄະນະພັກ, ອຳນາດການປົກຄອງແຂວງ ຕວຽນກວາງ ທຸກຂັ້ນ ແລະ ພໍ່ແມ່ປະຊາຊົນຜູ້ມີສິດເລືອກຕັ້ງຕາແສງເຕີນຈ່າວ ຄວນມານະພະຍາຍາມເປັນເຈົ້າການບືນຕົວຂຶ້ນເພື່ອພັດທະນາເສດຖະກິດ, ສັງຄົມ ຍົກສູງຊີວິການເປັນຢູ່, ວັດທະນະທຳຢູ່ຮາກຖານ. ກອນອື່ນໝົດ, ຕ້ອງພັດທະນາພື້ນຖານໂຄງລ່າງທາງຄົມມະນາຄົມເຂດຊົນນະບົດ ເພື່ອການໄປມາຢ່າງສະກວດສະບາຍ, ພັດທະນາເສດຖະກິດ, ຮໍ່າຮຽນ ແລະ ແລກປ່ຽນດ້ານການຄ້າ, ການບໍລິການ. ພິເສດຕ້ອງເອົາໃຈໃສ່ເຖິງຊີວິການເປັນຢູ່, ຍົກສູງລາຍຮັບໃຫ້ແກ່ພໍ່ແມ່ປະຊາຊົນເຂດບັນດາເຜົ່າສ່ວນນ້ອຍ, ລົບລ້າງຮີດຄອງປະເພນີທີ່ຫຼ້າຫຼັງ.
ທ່ານປະທານສະພາແຫ່ງຊາດ ຫງວຽນຊິງຮຸ່ງ ແລະ ຄະນະປະຕິບັດງານຂອງສະພາແຫ່ງຊາດ ກໍໄປຖະວາຍທູບທຽນຢູ່ເຮືອນຕູບ ນ່າເລື່ອ - ບ່ອນທີ່ປະທານໂຮ່ຈິມິນ ເຄີຍດຳລົງຊີວິດ ແລະ ເຮັດວຽກ, ຢ້ຽມຢາມສາລາ ເຕີນຈ່າວ ຂຶ້ນກັບເຂດປູຊະນີຍະສະຖານແຫ່ງຊາດພິເສດເຕີນຈ່າວ (ເມືອງເຊີນເຢືອງ), ຢ້ຽມຢາມ ແລະ ມອບຂອງຂວັນໃຫ້ບາງຄອບຄົວທີ່ມີຄຸນງາມຄວາມດີຕໍ່ການປະຕິວັດ ແລະ ໄປຢ້ຽມຢາມໂຮງຮຽນປະຖົມ ແລະ ໂຮງຮຽນມັດທະຍົມຕອນຕົ້ນ ເລວັນຮ້ຽວ, ເມືອງເຊີນເຢືອງ.