ປະທານສະພາແຫ່ງຊາດຫວຽດນາມເຂົ້າຮ່ວມກອງປະຊຸມຂັ້ນສຸດຍອດຂອງບັນດາປະທານສະພາແຫ່ງຊາດຍິງສາກົນຄັ້ງທີ11
ທ່ານນາງປະທານສະພາແຫ່ງຊາດ ຫງວຽນທິກິມເງີນ
ໄດ້ມາຮອດສະໜາມບິນ Abu Dhabi, UAE
(vovworld) - ໂດຍຮັບຄຳເຊີນ ຂອງ ທ່ານປະທານສະຫະພັນລັດຖະສະພາສາກົນ (IPU) Saber Chowdhury ແລະ ທ່ານນາງປະທານສະພາສະຫະລັດອາຣັບເອມມີເລັດ (UAE) Amal Al Qubaisi, ເວລາ 18 ໂມງ 55 ນາທີ (ເວລາທ້ອງຖີ່ນ)ວັນທີ 11/12, ຄະນະຜູ້ແທນຂັ້ນສູງສະພາແຫ່ງຊາດຫວຽດນາມ ໂດຍ ທ່ານນາງປະທານສະພາແຫ່ງຊາດ ຫງວຽນທິກິມເງີນ ນຳໜ້າໄດ້ມາຮອດສະໜາມບິນ Abu Dhabi, UAE ເຂົ້າຮ່ວມ ກອງປະຊຸມຂັ້ນສຸດຍອດ ຂອງບັນດາປະທານສະພາແຫ່ງຊາດຍິງສາກົນ ຄັ້ງທີ 11.
ກອງປະຊຸມຂັ້ນສຸດຍອດ ຂອງບັນດາປະທານສະພາແຫ່ງຊາດຍິງສາກົນ ຄັ້ງທີ 11 ໄຂຂຶ້ນ ໃນວັນທີ 12/12. ທ່ານນາງ ປະທານສະພາແຫ່ງຊາດຫວຽດນາມ ຫງວຽນທິກິມເງີນ ເຂົ້າຮ່ວມວາລະໄຂ, ກອງປະຊຸມຄົບຄະນະ, ການພົບປະສອງຝ່າຍ ແລະ ບັນດາ ວາລະປະຊຸມຂອງ ກອງປະຊຸມ. ດ້ວຍຫົວຂໍ້ວ່າ “ສາມັກຄີເພື່ອກຳນົດອານາຄົດ”, ນີ້ແມ່ນກາລະໂອກາດເພື່ອໃຫ້ບັນດາປະທານສະພາແຫ່ງຊາດຍິງລະດົມກຳລັງແຮງແຫ່ງຄວາມສາມັກຄີ, ຄວາມມານະພະຍາຍາມພ້ອມກັນແບ່ງປັນບົດຮຽນ, ພ້ອມທັງສ້າງຕັ້ງ, ເປີດກ້ວາງເຄືອຂ່າຍການຮ່ວມມືສາກົນ. ກອງປະຊຸມຂັ້ນສຸດຍອດຂອງບັນດາປະທານສະພາແຫ່ງຊາດຍິງ ສາກົນ ຄັ້ງທີ 11 ຈະອັດລົງໃນວັນທີ 14/12.