ປະທານສະຫະພັນແມ່ຍິງຫວຽດນາມໄປຢ້ຽມຢາມອົດສະຕາລີ
ລັດຖະມົນຕີວ່າການກະຊວງການຕ່າງປະເທດ ອົດສະຕາລີ
Julie Bishop ຕ້ອນຮັບຄະນະຜູ້ແທນສະຫະພັນແມ່ຍິງຫວຽດນາມ (ພາບ: TTXVN)
|
(vovworld) - ຄະນະຜູ້ແທນສະຫະພັນແມ່ຍິງຫວຽດນາມ, ໂດຍທ່ານນາງ ຫງວຽນທິແທງຮ່ວາ, ກຳມະການຄະນະບໍລິຫານງານສູນກາງພັກ, ປະທານສະຫະພັນແມ່ຍິງຫວຽດນາມ ໄດ້ມີການຢ້ຽມຢາມ ແລະ ເຮັດວຽກຢູ່ ອົດສະຕາລີ ໃນລະຫວ່າງວັນທີ 8-17/3. ໃນຂອບເຂດລາຍການຄູ່ຮ່ວມມືລັດຖະບານເພື່ອການພັດທະນາຂອງອົດສະຕາລີ. ຄະນະຜູ້ແທນຫວຽດນາມ ໄດ້ມີການເຮັດວຽກກັບກະຊວງການຕ່າງປະເທດ ແລະ ການຄ້າອົດສະຕາລີ, ດ້ວຍການເຂົ້າຮ່ວມຂອງບັນດາພາກສ່ວນທີ່ກ່ຽວຂ້ອງຂອງກະຊວງການຕ່າງປະເທດ ແລະ ຫ້ອງການເອກອັກຄະລັດຖະທູດກ່ຽວກັບແມ່ຍິງ ແລະ ເດັກຍິງ. ຄະນະກໍ່ໄດ້ຢ້ຽມຢາມ ແລະ ເຮັດວຽກຢູ່ສະຖານທູດຫວຽດນາມປະຈຳອົດສະຕາລີ, ເພື່ອອັບເດັດສະພາບການຊາວຫວຽດນາມ, ແມ່ຍິງຫວຽດນາມທີ່ພວມດຳລົງຊີວິດ, ເຮັດວຽກ ແລະ ຮຳ່ຮຽນຢູ່ອົດສະຕາລີ ກໍ່ຄື ຮັບເອົາບົດຮຽນອັນລຳ້ຄ່າຂອງອົດສະຕາລີກ່ຽວກັບການຊຸກຍູ້ການພັດທະນາແມ່ຍິງ, ກໍ່ຄືການຮັບປະກັນສິດຂອງແມ່ຍິງ, ການຕ້ານການໃຊ້ຄວາມຮຸນແຮງ, ບົນພື້ນຖານຄວາມສະເໝີພາບລະຫວ່າງຍິງຊາຍ.