ປະທານສະຫະພັນໃຫ່ຍ ແຮງານຫວຽດນາມ ຢ້ຽມຢາມ, ມອບຂອງຂວັນ ໃຫ້ຊາວປະມົງກວາງຫງ້າຍ
ທ່ານວໍ້ວັນເຖືອງມອບຂອງຂວັນໃຫ້ຊາວປະມົງ
(ພາບ: quangngaitv.vn)
(vovworld) -ວັນທີ 12/7, ທ່ານດັ້ງງອກຕຸ່ງ, ປະທານສະຫະພັນໃຫ່ຍແຮງງານຫວຽດນາມ ແລະ ທ່ານວໍ້ວັນເຖືອງ ຮອງເລຂາປະຈຳຄະນະພັກນະຄອນໂຮ່ຈິມິນ ພ້ອມດ້ວຍຄະນະປະຕິບັດງານຂອງຄະນະພັກນະຄອນ, ສະຫະພັນແຮງງານ ນະຄອນໂຮ່ຈິມິນ ໄດ້ໄປຢ້ຽມຢາມ, ມອບຂອງຂວັນໃຫ້ສະມາພັນອາຊີບຫາປາ ແລະ ລູກຫຼານຊາວປະມົງທີ່ປະສົບກັບຄວາມຫຍຸ້ງຍາກຂອງເມືອງລີເຊີນ ແລະ ຕາແສງບິ່ງເຈົາ-ເມືອງບິ່ງເຊີນ, ແຂວງກວາງຫງ້າຍ. ສະຫະພັນໃຫ່ຍແຮງງານຫວຽດນາມ ໄດ້ມອບເຄື່ອງອຸປະກອນທີ່ມີມູນຄ່າ 300 ລ້ານດົ່ງໃຫ້ແກ່ສະມາພັນອາຊີບຫາປາຕາແສງອານຫາຍ, ເມືອງລີເຊີນ; ໜູນຊ່ວຍຈຳນວນເງິນ 400 ລ້ານດົ່ງໃຫ້ແກ່ເຈົ້າຂອງກຳປັ່ນ 3 ຄົນ, ສະມາຊິກຂອງສະມາພັນອາຊີບຫາປາທີ່ຖືກເສຍຫາຍດ້ານຊັບສິນ ແລະ ຊີວິດອິນຊີເມື່ອໄດ້ຫາປາໃນເຂດທະເລຮ່ວາງຊາ. ໃນໂອກາດນີ້, ສະຫະພັນແຮງງານນະຄອນໂຮ່ຈິມິນ ໄດ້ໜູນຊ່ວຍຈຳນວນເງິນ 1 ຕື້ດົ່ງ, ກຸ່ມບໍລິສັດນ້ຳມັນອາຍແກດຫວຍດນາມ ໄດ້ມອບຈຳນວນເງິນ 60 ລ້ານດົ່ງ, ກຸ່ມບໍລິສັດຢາງພາລາຫວຽດນາມ ໄດ້ມອບຈຳນວນເງິນ 50 ລ້ານດົ່ງໃຫ້ແກ່ສະມາພັນອາຊີບຫາປາຕາແສງອານຫາຍ ແລະ ອານວິ້ງ, ເມືອງລີເຊີນ ແລະ ບັນດາສະມາພັນອາຊີບຫາປາແຂວງກວາງຫງ້າຍ…./.