ທ່ານ Obama ໄປປ່ອນບັດກ່ອນກຳນົດເວລາຢູ່ Chicago
(ພາບ:giaoduc.net.vn)
(VOV)- ຕອນເຊົ້າວັນທີ 26/10, ຕາມເວລາຫວຽດນາມ, ປະທານາທິບໍດີ ອາເມລິກາ B.Obama ໄດ້ໄປບ່ອນບັດເລືອກຕັ້ງປະທານາທິບໍດີກ່ອນກຳນົດເວລາຊື່ງຈະດຳເນີນຢ່າງເປັນທາງການໃນວັນທີ 6/11 ຈະມາເຖິງ. ເປັນອັນວ່າ, ທ່ານ Obama ໄດ້ກາຍເປັນປະທານາທິບໍດີອາເມລິກາ ຜູ້ທຳອິດຂອງປະເທດນີ້ ໄປປ່ອນບັດໂດຍກົງກ່ອນວັນເລືອກຕັ້ງ. ຄະນະຂົນຂວາຍຫາສຽງເລືອກຕັ້ງຂອງທ່ານ Obama ຫວັງວ່າ ການກະທຳທີ່ບໍ່ເຄີຍມີມາກ່ອນນີ້ຈະສົ່ງເສີມຜູ້ສະໜັບສະໜູນປະທານາທິບໍດີ ອາເມລິກາ ຄົນປະຈຸບັນມີບັນດາການກະທຳຄ້າຍຄືກັນ. ຕົວເລກສະຖິຕິໃຫ້ເຫັນວ່າ, ມາຮອດປະຈຸບັນ, ມີ 18% ຈຳນວນຜູ້ມີສິດເລືອກຕັ້ງຈົດທະບຽນໃຫ້ຮູ້ວ່າໄດ້ໄປບ່ອນບັດເລືອກຕັ້ງກ່ອນກຳນົດເວລາ, ໃນນັ້ນ 55% ໄດ້ເລືອກຕັ້ງທ່ານ Obama ແລະ 40% ເລືອກທ່ານ Mitt Romney ຜູ້ອອກສະໝັກຮັບເລືອກຕັ້ງສັງກັດພັກສາທາລະນະລັດ. ຜູ້ມີສິດເລືອກຕັ້ງອາເມລິກາ ປະມານ 31% ໄດ້ຢັ້ງຢືນວ່າມີແຜນການຈະໄປບ່ອນບັດເລືອກຕັ້ງກ່ອນກຳນົດເວລາ. ການສົ່ງເສີມຜູ້ມີສິດເລືອກຕັ້ງໄປບ່ອນບັດເລືອກຕັ້ງກ່ອນກຳນົດເວລາແມ່ນໜຶ່ງໃນບັນດາຍຸດທະສາດຂອງປະທານາທິບໍດີ Obama ເພື່ອແນ່ໃສ່ເຕົ້າໂຮມບັດເລືອກຕັ້ງ ແລະ ອາດຈະສ້າງຄວາມແຕກຕ່າງກັນຢູ່ບັນດາລັດເລືອກຕັ້ງສຳຄັນ.