(vovworld) – ວັນທີ 28/08, ທ່ານປະທານາທິບໍດີ Sudan ໃຕ້ Salva Kiir, ໄດ້ອອກຄຳສັ່ງໃຫ້ກອງທັບຢຸດຕິໃນການປະທະກັນກັບກຳລັງລຸກຮື້ຂຶ້ນ ເພື່ອແນໃສ່ປະຕິບັດຂໍ້ຕົກລົງສັນຕິພາບ ກ່ອນກຳນົດເວລາຢຸດຍິງຮອບດ້ານ ເຊິ່ງມີຜົນສັກສິດນັບແຕ່ວັນທີ 29/08. ໂຄສົກຂອງປະທານາທິບໍດີ, ທ່ານ Ateny Wek Ateny ໃຫ້ຮູ້ວ່າ, ທ່ານປະທານາທິບໍດີໄດ້ອອກຄຳສັ່ງໃຫ້ພົນທະຫານຢຸດຍິງ ແລະ ຢູ່ຄ້າຍທະຫານຂອງຕົນ, ແຕ່ສາມາດຍິງປ້ອງກັນຕົວຖ້າຫາກຖືກບຸກໂຈມຕີ.
ກ່ອນໜ້ານັ້ນ, ວັນທີ 28/08, ສະພາຄວາມໝັ້ນຄົງສະຫະປະຊາຊາດ, ໄດ້ຮຽກຮ້ອງໃຫ້ບັນດາຝ່າຍຢູ່ Sudan ໃຕ້ ປະຕິບັດຄຳສັ່ງຢຸດຍິງໂດຍທັນທີ, ພ້ອມທັງກ່າວເຕື່ອນຈະຈັດວາງບັນດາມາດຕະການລົງໂທດ ສຳລັບບັນດາເປົ້າໝາຍທຳລາຍຂໍ້ຕົກລົງນີ້.