ທ່າ​ນາງປະທານາທິບໍດີ ສ​ເກົາຫລີ Park Geun Hye

(ພາບ:vov.vn)

(vovworld)- ​ຕອນ​​ເຊົ້າ​ວັນ​ທີ 27/6, ທ່າ​ນາງ Park Geun Hye ປະທານາທິບໍດີ ສ​ເກົາຫລີ ​ໄດ້​ເດີນທາງ​ໄປ​ປັກກິ​ງ ​ເລີ່​ມຕົ້ນການ​ຢ້ຽມຢາມ​ທາງ​ລັດຖະກິດ​ເຖິງ​ຈີນ ​ເປັນຄັ້ງທຳ​ອິດ ນັບ​ແຕ່​ທ່ານ​ນາງ​ຮັບ​ຕຳ​ແໜ່​ງ​ເມື່ອ​ເດືອນ 2/2013. ຕາມ​ການ​ລາຍ​ງານ​ຂອງ​ກະຊວງ​ການ​ຕ່າງປະ​ເທ​ດຈີນ, ຄາດ​ວ່າ, ​ໃນ​ການ​ຢ້ຽ​ມຢາມ​ແກ່ຍາວ​ເປັນ​ເວລາ 4 ວັນ​ນີ້, ທ່າ​ນາງປະທານາທິບໍດີ Park Geun Hye  ຈະ​ພົບ​ປະ​ເຈລະຈາ​ກັບ​ປະທານ​ປະ​ເທດ​ຈີນ​ສື​ຈິນຜິ​ງ, ພົບ​ປະ​ກັບ​ທ່ານ​ນາຍົກລັດຖະມົນຕີຫລີ​ເຄື​ຍ​ແຈງ ​ແລະ ປະທານ​ສະພາ​ຜູ້​ແທນ ປຊຊ ​ແຫ່ງ​ຊາດ​ຈີນ​ຈາງ​ເຕືອ​ແຈງ. ສອງ​ຝ່າຍ​ຈະ​ແລກປ່ຽນ​ທັດສະ​ນະ​ກ່ຽວ​ກັບ​ການ​ພົວພັນ​ສອງ​ຝ່າຍ, ບັນດາ​ບັນຫາ​ໃຫ່ຍຂອງ​ພາກ​ພື້ນ ​ແລະ ສາກົນ​ທີ່​ຕ່າງ​ຝ່າຍ​ຕ່າງ​ມີ​ຄວາມສົນໃຈ.

  ນັບ​ແຕ່​ໄດ້​​ສ້າງຕັ້ງການ​ພົວພັນ​ທາງ​ການ​ທູດ​ແຕ່​ປີ 1992, ການ​ພົວພັນ​ຮ່ວມ​ມືສອງ​ຝ່າຍ​ລະຫວ່າງ ສ​ເກົາຫລີ-​ຈີນ ​ໄດ້​ຮັບ​ການ​ພັດທະນາ​ຢ່າງໝັ້ນຄົງ, ພິ​ເສດ​ແມ່ນ​ໃນ​ຂົງ​ເຂດ​ເສດຖະກິດ. ປະຈຸ​ບັນ, ຈີນ ​ແມ່ນຄູ່​ຄ້າ​ລາຍ​ໃຫ່ຍກ່ວາ​ໝູ່​ຂອງ ສ​ເກົາຫລີ ​ໃນ​ພາກ​ພື້ນ.