ປະທານາທິບໍດີ ອາເມລິກາ Barack Obama ແລະ ທ່ານນາງ H. Clinton
ຢ້ຽມຢາມ ວັດພໍ
ພາບ:Reuters
|
(vovworld) - ວັນທີ 17/11, ປະທານາທິບໍດີ ອາເມລິກາ Barack Obama ໄດ້ເດີນທາງຢ້ຽມຢາມ ສາມປະເທດ ຄື: ໄທ, ມ້ຽນມາ ແລະ ກຳປູເຈຍ. ເລື່ອງທ່ານ Obama ເລືອກເຟັ້ນ 3 ປະເທດ ຂຶ້ນກັບພາກພື້ນອາຊີຕາເວັນອອກສຽງໃຕ້ ໃນການໄປຢ້ຽມຢາມຕ່າງປະເທດຄັ້ງທຳອິດ ນັບແຕ່ເມື່ອທ່ານໄດ້ຮັບເລືອກຕັ້ງເປັນປະທານາທິບໍດີ ອາເມລິກາ ອາຍຸການທີສອງ ຊື່ງໄດ້ຮັບຖືວ່າ ແມ່ນເລັ່ງໃສ່ການຫັນທິດສຸມໃສ່ຍຸດທະສາດຂອງ ອາເມລິກາ ເຂົ້າອາຊີ - ປາຊີຟີກ. ຕາມແຜນການແລ້ວ, ທ່ານປະທານາທິບໍດີ ອາເມລິກາ Obama ຢ້ຽມຢາມ ໄທ ແລະ ມ້ຽນມາ ກ່ອນໄປຢ້ຽມຢາມ ກຳປູເຈຍ ເພື່ອເຂົ້າຮ່ວມກອງປະຊຸມສຸດສອດ ອາຊີຕາເວັນອອກ. ນັກໄຈ້ແຍກສາກົນໃຫ້ຂໍ້ສັງເກດວ່າ: ການຢ້ຽມຢາມມ້ຽນມາ ແມ່ນຈຸດພົ້ນເດັ່ນໃນການຢ້ຽມຢາມບັນດາປະເທດ ອາຊີ ຄັ້ງນີ້ຂອງທ່ານປະທານາທິບໍດີ Barack Obama. ວັນທີ 16/11 ກ່ອນການຢ້ຽມຢາມ ອາຊີ ຂອງທ່ານ ປະທານາທິບໍດີ Barack Obama , ອຳນາດການປົກຄອງ ອາເມລິກາ ໄດ້ປະກາດຍົກເລິກຄຳສັ່ງຫ້າມນຳເຂົ້າສິນຄ້າຈາກ ມ້ຽນມາ ເພື່ອສະຫນັບສະຫນູນ ແລະ ສົ່ງເສີມບັນດາຄວາມມານະພະຍາຍາມປະຕິຮູບຂອງອຳນາດການປົກຄອງ Nay Pi Taw ກໍ່ຄື ເປີດກາລະໂອກາດໃຫມ່ສຳລັບວົງການນັກທຸລະກິດຂອງສອງປະເທດ. ຄາດວ່າ ທ່ານປະທານາທິບໍດີ ອາເມລິກາ ຈະໄປຢ້ຽມຢາມ ກຳປູເຈຍ ໃນວັນທີ 19 -20/11 ເພື່ອເຂົ້າຮ່ວມກອງປະຊຸມສຸດຍອດ ອາຊີ ຕາເວັນອອກ ແລະ ກອງປະຊຸມສຸດຍອດ ອາເມລິກາ - ອາຊຽນ.