ປະທານາທິບໍດີ ອາເມລິກາ ຈະແຕ່ງຕັ້ງທ່ານ Larry Kudlow ເປັນທີ່ປຶກສາດ້ານເສດຖະກິດ
(VOVWORLD) - ວັນທີ 14 ມີນາ, ບັນດາແຫຼ່ງຂ່າວຂອງ ອາເມລິກາ ໃຫ້ຮູ້ວ່າ: ທ່ານປະທານາທິບໍດີ ອາເມລິກາ Donald Trump ຈະແຕ່ງຕັ້ງນັກເສດຖະສາດ, ນັກວິຈານຊື່ດັງ Larry Kudlow ດຳລົງຕຳແໜ່ງເປັນຜູ້ອຳນວຍການສະພາເສດຖະກິດແຫ່ງຊາດ, ແທນໃຫ້ທ່ານ Gary Cohn.
 ນັກເສດຖະສາດ, ນັກວິຈານຊື່ດັງ Larry Kudlow (ພາບ: CNBC)
|
ທ່ານ Cohn ປະກາດລາອອກຈາກຕຳແໜ່ງ ພາຍຫລັງທີ່ທ່ານປະທານາທິບໍດີ Donald Trump ຕັດສິນຈັດວາງລະດັບພາສີອາກອນໃໝ່ສຳລັບເຫຼັກກ້າ ແລະ ອາລູມີນຽມນຳເຂົ້າ. ຄາດຄະເນວ່າ: ທ່ານປະທານາທິບໍດີ Donald Trump ຈະປະກາດຂໍ້ຕົກລົງນີ້ ໃນວັນທີ 15 ມີນາ. ກ່ອນໜ້ານັ້ນ, ວັນທີ 13 ມີນາ ທ່ານປະທານາທິບໍດີ Donald Trump ຕີລາຄາທ່ານ Kudlow ວ່າມີຄວາມສາມາດ “ດຳລົງຕຳແໜ່ງເປັນຜູ້ອຳນວຍການສະພາເສດຖະກິດແຫ່ງຊາດ”.
ທ່ານ Kudlow ອາຍຸ 70 ປີ ແມ່ນເພື່ອນທີ່ຮັກແພງເປັນເວລາຫລາຍປີ ພ້ອມທັງແມ່ນຜູ້ທີ່ສະໝັບສະໜູນບັ້ນຂົນຂວາຍຫາສຽງເລືອກຕັ້ງຂອງທ່ານປະທານາທິບໍດີ Donald Trump ໃນປີ 2016.