ປະທານາທິບໍດີ ອາເມລິກາ ຮຽກຮ້ອງຈີນ ຍົກເລີກພາສີສຳລັບຜະລິດຕະພັນກະເສດຂອງ ອາເມລິກາ
(VOVWORLD) -ວັນທີ 1 ມີນາ ປະທານາທິບໍດີ ອາເມລິກາ Donald Trump ໃຫ້ຮູ້ວ່າ: ທ່ານໄດ້ຮຽກຮ້ອງ ຈີນ ຍົກເລີກພາສີທຸກປະເພດສຳລັບຜະລິດຕະພັນກະເສດຂອງ ອາເມລິກາໂດຍໄວ ເພາະວ່າ ການເຈລະຈາດ້ານການຄ້າລະຫວ່າງສອງປະເທດພວມມີຄວາມຄືບຫນ້າດີ.
ກ່ອນຫນ້ານັ້ນ ທ່ານ D. Trump ກໍ່ໂຈະບັນດາແຜນການຂຶ້ນພາສີຈາກ ອັດຕາ 10% ຂຶ້ນເຖິງ 25% ສຳລັບບັນດາປະເພດສິນຄ້ານຳເຂົ້າຂອງຈີນ ຊື່ງຕາມການຄາດຄະເນໃນເບື້ອງຕົ້ນ ຈະມີຜົນສັກສິດໃນວັນທີ 1 ມີນາ.
ກ່າວຄຳເຫັນໃນບັນຊີ Twitter, ທ່ານ Trump ຊີ້ແຈ້ງວ່າ “ຂ້າພະເຈົ້າໄດ້ຮຽກຮ້ອງ ຈີນ ຍົກເລີກພາສີທຸກປະເພດສຳລັບຜະລິດຕະພັນກະເສດຂອງອາເມລິກາ ໂດຍໄວ. ນີ້ແມ່ນສິ່ງສຳຄັນທີ່ສຸດ ສຳລັບຊາວກະສິກອນອາເມລິກາ ແລະ ສຳລັບຂ້າພະເຈົ້າເອງ.