ທ່ານປະທານາທິບໍດີ ອາເມລິກາ B. Obama
ພາບ:TTXVN
|
(vovworld)- ວັນທີ 7/9, ປະທານາທິບໍດີ ອາເມລິກາ Barack Obama ໄດ້ພົບປະກັບຄູ່ຕຳແຫນ່ງ ຟິລີບປີນ Rodrigo Duterte ກ່ອນດຳເນີນງານລ້ຽງທີ່ກອງປະຊຸມບັນດາການນຳເຂົ້າຮ່ວມບັນດາກອງປະຊຸມສຸດຍອດ ອາຊຽນ ຢູ່ ສປປ ລາວ. ການກະທຳນີ້ດຳເນີນພາຍຫລັງ ສອງສາມມື້ ຊື່ງທ່ານ Duterte ໄດ້ມີຄວາມເວົ້າແຕະຕ້ອງ ທ່ານປະທານາທິບໍດີ ອາເມລິກາ B. Obama ເຮັດໃຫ້ຜູ້ນຳ ທຳນຽບຂາວ ຕັດສິນຍົກເລີກການພົບປະສອງຝ່າຍ. ກ່ອນຫນ້ານັ້ນ, ໃນການຕອບສຳພາດຕໍ່ນັກຂ່າວ ຢູ່ ສປປ ລາວ ເມື່ອວັນທີ 5/9 ທີ່ກ່ຽວຂ້ອງເຖິງການຕໍ່ສູ້ຄວບຄຸມຢາເສບ ຕິດຢູ່ ຟິລິບຟີນ, ປະທານາທິບໍດີ Rodrigo Duterte ໄດ້ມີບົດກ່າວປາໄສທີ່ແຕະຕ້ອງເຖິງປະທານາທິບໍດີ ອາເມລິກາ ແລະ ໃຫ້ຮູ້ວ່າ “ບໍ່ສົນໃຈທ່ານ Obama ຄິດຫຍັງ” ກ່ຽວກັບນະໂຍບາຍແຂງກະດ້າງຕ້ານອາດຊະຍາກອນຢາເສບຕິດ ຊື່ງທ່ານພວມນຳໃຊ້ຢູ່ ຟິລິບຟີນ. ຕອບໂຕ້ການກະທຳນີ້, ປະທານາທິບໍດີ ອາເມລິກາ Barack Obama ໄດ້ຍົກເລີກແຜນການພົບປະສອງຝ່າຍກັບທ່ານ ປະທານາທິບໍດີ Rodrigo Duterte ຊື່ງຄາດວ່າ ຈະດຳເນີນໃນຕອນບ່າຍວັນທີ 6/9 ຢູ່ນອກກອງປະຊຸມສຸດຍອດ ອາຊຽນ. ພາຍຫລັງນັ້ນ ການນຳ ຟິລິບປີນ ສະແດງຄວາມເສຍດາຍ ຍ້ອນມີຄຳແຕະຕ້ອງປະທານາທິບໍດີ ອາເມລິກາ ແລະ ປາດຖະຫນາວ່າ ຢາກແກ້ໄຂບັນດາຄວາມບໍ່ລົງລອຍກັນທີ່ເກີດຂຶ້ນນອກເຫນືອບັນດາການບຸລິມະສິດ ແລະ ທັດສະນະແຫ່ງຊາດ ພ້ອມທັງພ້ອມກັນການຮ່ວມມືມີຄວາມຮັບຜິດຊອບສຳລັບສອງປະເທດ.