(vovworld) – ຕອນເຊົ້າວັນທີ 29/10, ໃນຂອບເຂດການຢ້ຽມຢາມທາງລັດຖະກິດຫວຽດນາມ, ທ່ານປະທານາທິບໍດີ ສ. ບຸນກາຣີ Rosen Plevneliev ພ້ອມກັບຄະນະປະຕິບັດງານໄດ້ໄປຍັງແຂວງກວາງນິງ ແລະ ຢ້ຽມຢາມ ອ່າວ ຮ້າລອງ. ທີ່ການຕ້ອນຮັບຄະນະໃນຕອນເຊົ້າວັນດຽວກັນ, ຢູ່ເຂດທ່ອງທ່ຽວສາກົນ ຕ່ວນເຈົາ, ທ່ານ ຫງວຽນວັນແທ່ງ, ຮອງປະທານຄະນະກຳມະການປະຊາຊົນ ແຂວງ ກວາງນິງ, ໄດ້ສະໜອງຂໍ້ມູນຂ່າວເຖິງທ່ານປະທານາທິບໍດີ ບຸນກາຣີ ກ່ຽວກັບຄວາມສາມາດດຶງດູດການລົງທຶນ, ທ່າແຮງຂອງແຂວງ, ແນະນຳຄວາມງາມ, ທັດສະນີຍະພາບ... ຂອງ ອ່າວຮ້າລອງ, ເຊິ່ງແມ່ນສະຖານທີ່ໄດ້ຮັບການຮັບຮອງຈາກ UNESCO ວ່າເປັນມໍລະດົກທຳມະຊາດໂລກ 2 ຄັ້ງ. ທ່ານປະທານາທິບໍດີ ສ. ບຸນກາຣີ Rosen Plevneliev ໄດ້ຂອບອົກຂອບໃຈການຕ້ອນຮັບຢ່າງສົມກຽດ ແລະ ອົບອຸ່ນຂອງແຂວງ ກວາງນິງ ແລະ ສະແດງຄວາມພາກພູມໃຈເມື່ອໄດ້ມາຢາມແຂວງ ກວາງນິງ, ພິເສດແມ່ນໄດ້ຢ້ຽມຢາມມໍລະດົກທຳມະຊາດຂອງໂລກ ອ່າວ ຮ້າລອງ.