(vovworld) – ວັນທີ 29/9, ກ່າວຄຳເຫັນທີ່ພິທີສະບານຕົວເຂົ້າດຳລົງຕຳແໜ່ງ, ທ່ານປະທານາທິບໍດີຄົນໃໝ່ຂອງ ອາບການິດສະຖານ Ashraf Ghani ເນັ້ນໜັກວ່າ: “ພວກຂ້າພະເຈົ້າຮຽກຮ້ອງບັນດາຝ່າຍຕ້ານລັດຖະບານ, ພິເສດແມ່ນ ຕາລີບານ ແລະ Hizb a Islami ເຂົ້າຮ່ວມບັນດາການເຈລະຈາການເມືອງ”. ທ່ານ Ghani ໃຫ້ຄຳໝັ້ນສັນຍາຈະຕໍ່ສູ້ຕ້ານໄພສໍ້ລາດບັງຫຼວງ ແລະ ຮຽກຮ້ອງການຮ່ວມມືລະຫວ່າງບັນດາກຸ່ມການເມືອງໃນລັດຖະບານປະສົມ. ພິທີີດຳລົງຕຳແໜ່ງຂອງທ່ານປະທານາທິບໍດີ ອາບການິດສະຖານ ຄົນໃໝ່ ແມ່ນຂີດໝາຍໃຫ້ແກ່ການມອບໂອນສິດອຳນາດໂດຍປະຊາທິປະໄຕຄັ້ງທຳອິດ ແລະ ເປີດສັງກາດໃໝ່ຢູ່ ອາບການິດສະຖານ, ສິ້ນສຸດໄລຍະ 13 ປີແຫ່ງການກຳອຳນາດຂອງທ່ານ Hamid Karzai ນັບແຕ່ເມື່ອລະບອບ ຕາລີບານ ຖືກໂຄ້ນລົ້ມໃນປີ 2001. ມາຮອດປະຈຸບັນ, ບັນດາການເຄື່ອນໄຫວມ້າງທຳລາຍ ໂດຍ ຕາລີບານ ດຳເນີນຍັງຄົງແມ່ນໄພນາບຂູ່ ແລະ ແມ່ນສິ່ງທ້າທາຍສຳລັບຄວາມສະຫງົບອັນໃຫຍ່ຫຼວງທີ່ມີຕໍ່ລັດຖະບານ ອາບການິດສະຖານ, ພິເສດໃນສະພາບການກຳລັງສາກົນໂດຍ ນາໂຕ ນຳໜ້າຈະຖອນກຳລັງອອກຈາກປະເທດນີ້ໃນທ້າຍປີນີ້.