ວັນທີ 28 ພະຈິກ, ທ່ານປະທານາທິບໍດີຝລັ່ງ Emmanuel Macron ຖືວ່າ, ສະຫະພາບເອີລົບ (ອີຢູ) ຕ້ອງເຂົ້າຮ່ວມການເຈລະຈາປຶກສາຫາລືທຸກຄັ້ງກ່ຽວກັບສັນຍາໃໝ່ເພື່ອແນໃສ່ສະກັດກັ້ນຈຳນວນບັນດາປະເພດລູກສອນໄຟນິວເຄຼຍໄລຍະກາງເຊິ່ງອາເມລິກາ ແລະ ລັດເຊຍ ເປັນກຳມະສິດ, ພາຍຫຼັງສັນຍາທີ່ໄດ້ລົງນາມແຕ່ສະໄໝສົງຄາມເຢັນ ຖືກລົ້ມລະລາຍໃນປີນີ້. ກ່າວຄຳເຫັນຕໍ່ວົງການນັກຂ່າວພາຍຫຼັງບັນດາການເຈລະຈາກັບທ່ານ Jens Stoltenberg, ເລຂາທິການໃຫຍ່ອົງການສົນທິສັນຍາມະຫາສະມຸດອັດລັງຕິກເໜືອ (NATO) ຢູ່ວັງ Elysee ຢູ່ນະຄອນຫຼວງປາຣີ, ທ່ານປະທານາທິບໍດີ Macron ຊີ້ແຈ້ງວ່າ, ຈະຍົກອອກຂໍ້ສະເໜີໃນກອງປະຊຸມຂອງ NATO ເຊິ່ງຈະດຳເນີນຢູ່ລອນດອນ ໃນອາທິດຈະມາເຖິງ, ພ້ອມທັງຢືນຢັນວ່າ ຢາກປຶກສາຫາລືພ້ອມກັບທ່ານປະທານາທິບໍດີລັດເຊຍ Vladimir Putin ກ່ຽວກັບຂໍ້ຕົກລົງປ່ຽນແທນ INF.