( vovworld ) - ໃນບົດກ່າວປາໄສສະແດງປະຕິກິລິຍາພາຍຫຼັງການບຸກໂຈມຕີຢູ່ແຂວງ Kapisa ປະເທດອາບການິດສຖານ ເຊິ່ງເຮັດໃຫ້ທະຫານຟລັງ 4 ຄົນເສຍຊີວິດ, ອີກຄັ້ງໜຶ່ງ ທ່ານປະທານາທິບໍດີ Francois Hollande ຢືນຢັນແຜນການຖອນທະຫານອອກຈາກປະເທດອາຊີໃຕ້ນີ້ ເລີ່ມແຕ່ເດືອນ 7 ແລະ ສຳເລັດກອ່ນທ້າຍປີ 2012. ການຖອນທະຫານອອກຈາກສະໜາມຮົບອາບການິດສຖານ ແມ່ນຄຳໝັ້ນສັນຍາທີ່ສຳຄັນຂອງທ່ານ Hollande ໃນການອອກສະໝັກຮັບເລືອກຕັ້ງ ແລະ ປະຈຸບັນທ່ານພວມຕັ້ງໜ້າປະຕິບັດຜ່ານການເກັ້ຍກອມຂອງບັນດາປະເທດ NATO ແລະ ການຢ້ຽມຢາມເຖິງອາການິດສຖານ ຢ່າງກະທັນເຫັນໃນທ້າຍເດືອນ 5 ທີ່ຜ່ານມາ. ການບຸກໂຈມຕີແນໃສ່ທະຫານຟລັ່ງຢູ່ອາບການິດສຖານ ໃນວັນທີ 9/6 ເຊິ່ງເຮັດໃຫ້ທະຫານ 4 ຄົນ ແລະ ນັກແປພາສາ 1 ຄົນເສຍຊີວິດ ແລະ ອີກ 5 ຄົນຖືກບາດເຈັບ ເຮັດໃຫ້ທ່ານປະທານາທິບໍດີຟລັ່ງຄົນໃໝ່ຕ້ອງຍູ້ແຮງການປະຕິບັດຄຳໝັ້ນສັນຍາ, ຖ້າຫາກບໍ່ຍາກເຮັດໃຫ້ປະຊາຊົນເສຍຫວັງ. ກ່ຽວກັບບັນຫາອາບການິສຖານ, ທ່ານ Hollande ໃຫ້ຮູ້ວ່າ.
“ ຂ້າພະເຈົ້າຮັບຮູ້ການເສຍສະຫຼະຊີວິດ ແລະ ຈິດໃຈກ້າຫານຂອງທະຫານເຫຼົ່ານັ້ນ. ພິທີໄຫວ້ອາໄລລະດັບຊາດຈະໄດ້ດຳເນີນໄປເພື່ອອາໄລຫາເຂົາເຈົ້າ. ເຮືອບິ່ນລຳໜຶ່ງຖືກສົ່ງໄປເພື່ອນຳຄົນເຈັບກັບເມືອປະເທດໂດຍໄວ. ແຕ່ນີ້ຮອດເວລາຖອນທະຫານກັບເມືອປະເທດ, ພວກເຮົາຕ້ອງເຮັດທຸກສິ່ງທຸກຢ່າງ ເພື່ອທະຫານເຮັດສຳເລັດໜ້າທີ່ຂອງຕົນ ແຕ່ເພື່ອຮັບປະກັນຄວາມປອດໄພ ແລະ ຊີວິດໃຫ້ແກ່ທະຫານ, ຂ້າພະເຈົ້າພວມປະຕິບັດຄຳໝັ້ນສັນຍາ ແລະ ຂ້າພະເຈົ້າຈະຮັບປະກັນການປະຕິບັດດັ່ງກ່າວ ”.