( vovworld ) – ໃນແຈ້ງການອອກເມື່ອວັນທີ 10/5, ວັງ Kremlin ໃຫ້ຮູ້ວ່າ, ທ່ານປະທານາທິບໍດີລັດເຊຍ ຄົນໃໝ່ Vladimir Putin ຈະບໍ່ເຂົ້າຮ່ວມກອງປະຊຸມສຸດຍອດກຸ່ມບັນດາພື້ນຖານເສດຖະກິດພັດທະນາ (G-8) ຊື່ງຈະຖືກຈັດຂຶ້ນຢູ່ອາເມລິກາ ໃນວັນທີ 18-19/5 ທີ່ຈະມາເຖິງ, ຍ້ອນວ່າ ທ່ານຢາກສະຫງວນເວລາເພື່ອສ້າງຕັ້ງລັດຖະບານໃໝ່. ເຂົ້າຮ່ວມກອງປະຊຸມຄັ້ງນີ້ແທນໃຫ້ທ່ານ Putin ຈະແມ່ນນາຍົກລັດຖະມົນຕີຜູ້ທີ່ຫາກໍ່ໄດ້ຮັບການແຕ່ງຕັ້ງ Dmitry Medvevdev. ຕາມວົງການນັກໄຈ້ແຍກແລ້ວ, ແຈ້ງການຂອງວັງ Kremlin ສະແດງໃຫ້ເຫັນຄວາມບໍ່ຈະແຈ້ງໃນສາຍພົວພັນລະຫວ່າງອາເມລິກາ-ລັດເຊຍ ໃນສະໄໝປະທານາທິບໍດີ ຂອງທ່ານ Putin. ໃນບົດກ່າວຄຳເຫັນຫວ່າງແລ້ວນິ້, ການນຳລັດເຊຍ ໄດ້ເນັ້ນໜັກວ່າ ການທ້າທາຍທີ່ໃຫ່ຍຫຼວງທີ່ສຸດ ຕໍ່ຄວາມສະຫງົບປອດໄພແຫ່ງຊາດລັດເຊຍ ນັ້ນແມ່ນເລື່ອງ ອາເມລິກາ ແລະ ອົງການນາໂຕ ມີເຈດຕະນາພິດຈາລະນາລະບຽບການໂລກປະຈຸບັນຄືນໃໝ່ ຕາມທິດຮັບໃຊ້ບັນດາຜົນປະໂຫຍດຂອງຝ່າຍຕາເວັນຕົກ, ແລະ ຢັ້ງຢືນວ່າ ລັດເຊຍ ບໍ່ຮັບຮູ້ບັນດາກົນອຸບາຍນີ້.