(vovworld) - ວັນທີ 4/11, ທ່ານປະທານາທິບໍດີສ.ອີນໂດເນເຊຍ Susilo Bambang Yudhoyono ໄດ້ເດີນທາງມານະຄອນຫຼວງວຽງຈັນ ຢ້ຽມຢ້າມທາງລັດຖະກິດສປປ ລາວ ຢ່າງເປັນທາງການ ແລະ ເຂົ້າຮ່ວມກອງປະຊຸມສຸດຍອດອາຊີ - ເອີລົບ ຄັ້ງທີ 9 (ASEM 9) ເຊິ່ງດຳເນີນໄປໃນເວລາ 2 ວັນ ແຕ່ວັນທີ 5 – 6/11. ຕອນບ່າຍວັນດຽວກັນ, ຢູ່ສຳນັກງານປະທານປະເທດ, ທ່ານເລຂາທິການໃຫຍ່ສປປ ລາວ ຈູມມາລີ ໄຊຍະສອນ ໄດ້ໃຫ້ການຕ້ອນຮັບ ແລະ ເຈລະຈາກັບທ່ານປະທານນາທິບໍດີ Yudhoyono. ສອງຝ່າຍໄດ້ຕີລາຄາສູງສາຍພົວພັນມິດຕະພາບທີ່ເປັນມູນເຊື້ອ ແລະ ການຮ່ວມມືອັນດີງາມລະຫວ່າງສອງປະເທດ ນັບແຕ່ເມື່ອສ້າງຕັ້ງສາຍພົວພັນທາງການທູດໃນປີ 1975. ໃນໄລຍະຜ່ານມາ, ການນຳສອງປະເທດໄດ້ມີການແລກປ່ຽນຄະນະຜູ້ແທນເປັນປະຈຳ ເພື່ອແນໃສ່ເພີ່ມທະວີຄວາມເຂົ້າອົກເຂົ້າໃຈ ແລະ ຄວາມໄວ້ເນື້ອເຊື່ອໃຈເຊິ່ງກັນ ແລະ ກັນ ກໍຄືການສະໜັບສະໜູນ, ໜູນຊ່ວຍສອງຝ່າຍໃນພາກພື້ນ ແລະ ຢູ່ໃນໂລກ. ສອງຝ່າຍໄດ້ປຶກສາຫາລື ແລະ ແລກປ່ຽນບາງບັນຫາທີ່ຕ່າງຝ່າຍຕ່າງມີຄວາມສົນໃຈ. ການນຳສອງປະເທດໄດ້ເປັນສັກຂີພິຍານພິທີລົງນາມໃນບົດບັນທຶກຊ່ວຍຈຳ (MOU) ລະຫວ່າງກະຊວງການຕ່າງປະເທດລາວ ແລະ ກະຊວງການຕ່າງປະເທດອີນໂດເນເຊຍ.