ສະພາບການຢູ່ອີຢີບ
(ພາບ:baomoi.com)
(vovworld)- ວັນທີ 2/7, ປະທານາທິບໍດີອີຢີບ Mohamed Morsi ໄດ້ອອກຖະແຫລງການປະຕິເສດຄຳຂາດຂອງກອງທັບ ຊື່ງຮຽກຮ້ອງໃຫ້ທ່ານຕ້ອງຊອກຫາມາດຕະການແກ້ໄຂວິກິດການດ້ານການເມືອງຢູ່ປະເທດນີ້ ພ້ອມທັງຢືນຢັນຈະປະຕິບັດແຜນການສະເພາະຂອງຕົນ ເພື່ອແນໃສ່ຊຸກຍູ້ການໄກ່ເກ່ຍປອງດອງຊາດ. ໃນຖະແຫລງການ, ທ່ານ Mohamed Morsi ຖືວ່າ: ຄຳຂາດຂອງກອງທັບ ອາດຈະເຮັດໃຫ້ສະພາບໃນປະຈຸບັນສັບສົນຂຶ້ນຕື່ມ. ກ່ອນໜ້ານັ້ນ, ວັນທີ 1/7, ກອງທັບອີຢີບ ໄດ້ອອກຄຳຂາດສຳລັບປະທານາທິບໍດີ Mohamed Morsi ແລະ ບັນດາພັກການເມືອງ ໃນຮອບເວລາ 48 ຊົ່ວໂມງຕ້ອງ “ຕອບສະໜອງບັນດາຄຳຮຽກຮ້ອງຕ້ອງການຂອງປະຊາຊົນ”. ກອງທັບກໍ່ຢືນຢັນຈະປະກາດແຜນການໃນອະນາຄົດ ແລະ ບັນດາມາດຕະການເພື່ອແນໃສ່ຕິດຕາມກວດກາການປະຕິບັດແຜນການນີ້ໃນກໍລະນີບັນດາຄຳຮຽກຮ້ອງດັ່ງກ່າວບໍ່ໄດ້ຮັບການຕອບສະໜອງ.