ປະທານາທິບໍດີອີຢີບ
(ພາບ: Reuters)
(VOV)- ຕອນຄ່ຳວັນ 6/12, ກ່ອນທີ່ໄພອາດຈະເກີດວິກິດການການເມືອງ ທີ່ກ່ຽວຂ້ອງເຖິງຮ່າງລັດຖະທຳມະນູນຈະແຜ່ລາມອອກຢ່າງກ້ວາງຂວາງນັ້ນ, ປະທານາທິບໍດີ Mohamed Morsi ໄດ້ຮຽກຮ້ອງໃຫ້ທຸກກຳລັງການເມືອງເຂົ້າຮ່ວມການເຈລຈາໃນວັນທີ 8/12 ເພື່ອແນໃສ່ຊອກຫາມາດຕະການ “ກອບກູ້ເອົາປະເທດຊາດ“ ພ້ອມທັງປຶກສາຫາລືກ່ຽວກັບບາງຂໍ້ຕົກລົງຄື: ຮັກສາສະພາ Shura (ສະພາສູງ) ກໍ່ຄືຂັ້ນຕອນໄປຂອງການລົງປະຊາມະຕິ. ເຖິງຢ່າງໃດກໍ່ຕາມ, ທ່ານ Mohamed Morsi ຍັງປະກາດວ່າການລົງປະຊາມະຕິກ່ຽວກັບຮ່າງລັດຖະທຳມະນູນຍັງຈະດຳເນີນໄປຕາມແຜນການໃນວັນທີ 15/12 ຈະມາເຖິງ. ພາຍຫຼັງຄຳປະກາດນີ້, ຂະບວນການ “ວັນທີ 6/4“ ຊື່ງແມ່ນກຳລັງໄດ້ເຂົ້າຮ່ວມຢ່າງຕັ້ງໜ້າໃນການແຫ່ຂະບວນປະທ້ວງຄັ້ງຕ່າງໆໃນ 2 ອາທິດຜ່ານມາ ໄດ້ປະກາດປະຕິເສດຂໍ້ສະເໜີດັ່ງກ່າວຂອງປະທານາທິບໍດີ ພ້ອມທັງຮຽກຮ້ອງໃຫ້ຈັດຕັ້ງການແຫ່ຂະບວນປະທ້ວງຄັ້ງໃໝ່ທີ່ມີຊື່ວ່າ “ບັດແດງ“ ໃນວັນທີ 7/12.