(vovworld) – ຂໍ້ຕົກລົງດັ່ງກ່າວມີຄວາມໝາຍວ່າ: ທ່ານ Obama ຈະບໍ່ເຂົ້າຮ່ວມກອງປະຊຸມສຸດຍອດເວທີປາໄສຮ່ວມມືເສດຖະກິດ ອາຊີ - ປາຊີຟິກ (APEC) ຢູ່ ອິນໂດເນເຊຍ ແລະ ບັນດາກອງປະຊຸມຂອງ ອາຊຽນ ຢູ່ ບຣູໄນ. ໂຄສົກທຳນຽບຂາວ ທ່ານ Jay Carney ໃຫ້ຮູ້ວ່າ: ທ່ານປະທານາທິບໍດີ Obama ໄດ້ຍົກອອກຂໍ້ຕົກລົງນີ້ຍ້ອນວ່າ ຍາກທີ່ຈະໄປປະຕິບັດງານຕ່າງປະເທດໃນຂະນະທີ່ລັດຖະບານປປິດປະຕູ ແລະ ທ່ານຕັດສິນໃຈສືບຕໍ່ຕໍ່ສູ້ເພື່ອໃຫ້ຝ່າຍພັກສາທາລະນະຕ້ອງປ່ອນບັດເພື່ອເປີດປະຕູລັດຖະບານຄືນໃໝ່ໃນທັນທີ. ແຈ້ງຂ່າວຂອງທຳນຽບຂາວເນັ້ນໜັກວ່າເລື່ອງຍຸບເລີກການໄປປະຕິບັດງານຢູ່ບັນດາປະເທດ ອາຊີ ຂອງທ່ານ Obama ແມ່ນຜົນຮ້າຍຢ້ອນຫຼັງຂອງເລື່ອງຝ່າຍພັກສາທາລະນະທີ່ສະພາເດັດດຽວບໍ່ຜ່ອນສັ້ນຜ່ອນຍາວໃນບັນຫາງົບປະມານ, ອັນໄດ້ກີດຂວາງແຜນນະໂຍບາຍສ້າງວຽກເຮັດງານທຳຕື່ມອີກ ຜ່ານການຊຸກຍູ້ການສົ່ງອອກ, ກໍ່ຜົນຮ້າຍເຖິງຕັ້ງບົດບາດນຳພາຂອງ ອາເມລິກາ ກໍ່ຄືຜົນປະໂຫຍດຂອງປະເທດ ເຂົ້າຢູ່ພາກພື້ນທີ່ຫາກໍ່ພົ້ນເດັ່ນຂຶ້ນໃຫຍ່ກ່ວາໝູ່ຂອງໂລກ. ທ່ານ Carney ກໍ່ໃຫ້ຮູ້ວ່າ ທ່ານປະທານາທິບໍດີ Obama ປາດຖະໜາຢາກຊຸກຍູ້ການຮ່ວມມືກັບບັນດາພັນທະມິດ ແລະ ຄູ່ຮ່ວມມືຢູ່ ອາຊີ - ປາຊີຟິກ ແລະ ຈະກັບຄືນຢ້ຽມຢາມພາກພື້ນນີ້ໃນອະນາຄົດ. ທຳນຽບຂາວກໍ່ໃຫ້ຮູ້ວ່າ ທ່ານລັດຖະມົນຕີການຕ່າງປະເທດ John Kerry ຈະປະຕິບັດການຢ້ຽມຢາມ ອິນໂດເນເຊຍ ແລະ ບຣູໄນ ແທນໃຫ້ທ່ານ Obama.