(vovworld) – ວັນທີ 02/09, ທ່ານປະທານາທິບໍດີອາເມລິກາ Barack Obama ຍາດໄດ້ບັດສະໜັບສະໜູນຢູ່ສະພາແຫ່ງຊາດຢ່າງພຽງພໍ ເພື່ອຮັບປະກັນຂໍ້ຕົກລົງນິວເຄຼຍ ໂດຍກຸ່ມ P5+1 (ເຊິ່ງລວມມີ ອາເມລິກາ, ອັງກິດ, ຝລັ່ງ, ຈີນ ພ້ອມກັບເຢຍລະມັນ) ເຊິ່ງຫາກໍບັນລູໄດ້ກັບອີຣານ ເມື່ອກາງເດືອນ 07 ຜ່ານມາ ຈະມີຜົນສັກສິກ. ນີ້ໄດ້ຮັບຖືວ່າແມ່ນໄຊຊະນະສຳຄັນຂອງອຳນາດການປົກຄອງ Obama ພາຍຫຼັງການຂົນຂວາຍໃນລະດູແລງຜ່ານມາ. ບັນດາຜູ້ທີ່ປຶກສາຂອງການນຳປະຊາທິປະໄຕຢູ່ສະພາແຫ່ງຊາດອາເມລິກາ ໃຫ້ຮູ້ວ່າ ຄາດໝາຍຕໍ່ໄປ ຂອງບັນດາຜູ້ສະໜັບສະໜູນຂໍ້ຕົກລົງນິວເຄຼຍ ອີຣານ ແມ່ນຍາດໄດ້ ບັດສະໜັບສະໜູນຢ່າງໜ້ອຍສຸດ 41 ບັດ ເພື່ອສະກັດກັ້ນມະຕິປະຕິເສດຂໍ້ຕົກລົງໂດຍຝ່າຍ ສາທາລະນະສະເໜີ.