ແຕ່ ເຕເຮຣານ ຍັງບໍ່ທັນເຫັນດີຕໍ່ຂໍ້ສະເໜີດັ່ງກ່າວຍ້ອນຄວາມເຄັ່ງຕຶງໃນປະຈຸບັນ. ການນຳອີຣານ ໄດ້ຍົກອອກຄຳຖະແຫຼງດັ່ງກ່າວ ໃນຂະນະທີ່ພວມກັບເມືອປະເທດ ພາຍຫຼັງເຂົ້າຮ່ວມກອງປະຊຸມສະມັດຊາໃຫຍ່ສະຫະປະຊາຊາດ ຄັ້ງທີ 74 ຢູ່ນິວຢອກ, ປະເທດອາເມລິກາ. ທ່ານປະທານາທິບໍດີ Hassan Rouhani ໃຫ້ຮູ້ວ່າ, ຢູ່ນິວຢອກ, ທ່ານໄດ້ພົບປະກັບບັນດາເຈົ້າໜ້າທີ່ອາເມລິກາ ຕາມຂໍ້ສະເໜີຂອງການນຳເຢຍລະມັນ, ອັງກິດ ແລະ ຝລັ່ງ. ໃນຂະນະນັ້ນ, ໃນວັນດຽວກັນ, ທ່ານປະທານາທິບໍດີອາເມລິກາ Donald Trump ໃຫ້ຮູ້ວ່າ, ທ່ານໄດ້ປະຕິເສດຂໍ້ສະເໜີຂອງເຕເຮຣານ ກ່ຽວກັບການຍົກເລີກບັນດາຄຳສັ່ງລົງໂທດເພື່ອແລກເອົາການເຈລະຈາ. ຄຳຖະແຫຼງຂອງການນຳອາເມລິກາ ໄປຝືນກັບແຈ້ງການກ່ອນໜ້ານັ້ນໃນວັນດຽວກັນຂອງປະທານາທິບໍດີອີຣານ ຢ່າງສິ້ນເຊິ່ງ.