(vovworld) – ຕອນເຊົ້າວັນທີ 25/2 (ຕາມເວລາ ຫວຽດນາມ), ທ່ານປະທານາທິບໍດີ ອາເມລິກາ Barack Obama ໄດ້ໃຫ້ສັດຕະຍາບັນຂໍ້ຕົກລົງນິວເຄຼຍພົນລະເຮືອນກັບ ຫວຽດນາມ ຫຼື ເອີ້ນວ່າ “ສັນຍາ 123”, ເປີດຊ່ອງທາງໃຫ້ບັນດາບໍລິສັດ ອາເມລິກາ ຂາຍເຕົາປະຕິກອນນິວເຄຼຍ ໃຫ້ ຫວຽດນາມ. ຕາມຂໍ້ຕົກລົງແລ້ວ, ຫວຽດນາມ ໃຫ້ຄຳໝັ້ນສັນຍາບໍ່ຜະລິດບັນດາພາກສ່ວນກຳມັນຕະພາບລັງສີຮັບໃຊ້ໃຫ້ການຜະລິດບັນດາອາວຸດນິວເຄຼຍ ແລະ ລົງນາມບັນດາມາດຕະຖານບໍ່ແຜ່ຂະຫຍາຍນິຍເຄຼຍກັບ ອາເມລິກາ. ໃນບົດບັດທຶກຊ່ວຍຈຳຝາກເຖິງກະຊວງພະລັງງານ ອາເມລິກາ, ທ່ານປະທານາທິບໍດີ Obama ໃຫ້ຮູ້ວ່າ ຂໍ້ຕົກລົງດັ່ງກ່າວພຽງແຕ່ມີລັກສະນະຊຸກຍູ້ເທົ່ານັ້ນຫາກບໍ່ສົ່ງຜົນຮ້າຍເຖິງບັນດາບັນຫາລວມກ່ຽວກັບການປ້ອງກັນຊາດ ແລະ ປ້ອງກັນຄວາມສະຫງົບ.
ກ່ອນໜ້ານັ້ນ, ທີ່ພິທີລົງນາມເຊິ່ງຈັດຂຶ້ນໃນເດືອນ 10/2013 ຢູ່ນອກກອງປະຊຸມສຸດຍອດອາຊີຕາເວັນອອກ ທີ່ບຣຸໄນ, ຫວຽດນາມ ໄດ້ເຫັນດີເປັນເອກະສັນບໍ່ເສີມທາດ ຢູນຽມ - ເຊິ່ງແມ່ນບັນດາບາດກ້າວສຳຄັນໃນການຜະລິດອາວຸດ ນິວເຄຼຍ. ຕາມຂໍ້ກຳນົດນີ້, ຂໍ້ຕົກລົງດັ່ງກ່າວຈະໄດ້ຮັບການພິຈາລະນາຈາກສະພາແຫ່ງຊາດ ອາເມລິກາ ໃນຮອບເວລາ 90 ວັນນັບແຕ່ວັນປະທານາທິບໍດີ ໃຫ້ສັດຕະຍາບັນ ແລະ ຈະເລີ່ມມີຜົນສັດສິດຢ່າງເປັນທາງການຖ້າຫາກບໍ່ມີຮ່າງກົດໝາຍຄັດຄ້ານໃດໆ. ຕາມບັນດານັກຊ່ຽວຊານແລ້ວ, ຕະຫຼາດໄຟຟ້ານິວເຄຼຍ ຫວຽດນາມ ຍື່ນອັນດັບ 2 ຢູ່ອາຊີຕາເວັນອອກ ເທົ່ານັ້ນ, ຖັດຈາກ ຈີນ ແລະ ໄດ້ຮັບການຄາດຄະເນວ່າຈະເພີ່ມຂຶ້ນ 50 ຕື້ USD ໃນ 2 ທົດສະວັດຈະມາເຖິງ. ຫວຽດນາມ ຫວັງວ່າ ພະລັງງານນິວເຄຼຍ ຈະຕອບສະໜອງ 10% ຄວາມຕ້ອງການຜະລິດໄຟຟ້າພາຍໃນປະເທດໃນປີ 2030.