ປະທານເຈືອງເຕິນຊາງ ປະດັບຫຼຽນໄຊໂຮ່ຈິມິນ ໃຫ້ແກ່ສະຖາບັນ ການປົກຄອງແຫ່ງຊາດ
(ພາບ: http://hanoimoi.com.vn)
(vovworld)- ຕອນເຊົ້າວັນທີ 29/5, ເຂົ້າຮ່ວມ ແລະ ກ່າວຄຳເຫັນທີ່ພິທີສະເຫຼີມສະຫຼອງ 55 ປີແຫ່ງວັນມູນເຊື້ອສະຖາບັນການປົກຄອງແຫ່ງຊາດ, ທ່ານປະທານປະເທດເຈືອງເຕິນຊາງ ຮຽກຮ້ອງສະຖາບັນຈົ່ງສືບຕໍ່ສຸມໃສ່ການປ່ຽນໃໝ່ເນື້ອໃນ, ໂຄງການ, ວິທີການສອນ ແລະ ຮຽນ, ຍົກສູງຄຸນນະພາບການບຳລຸງສ້າງພະນັກງານ, ລັດຖະກອນຢ່າງຮອບດ້ານ. ທ່ານປະທານປະເທດເຈືອງເຕິນຊາງ ປາດຖະໜາວ່າ, ສະຖາບັນການປົກຄອງແຫ່ງຊາດ ຈະສືບຕໍ່ຍົກສູງຄຸນນະພາບວຽກງານຄົ້ນຄ້ວາວິທະຍາສາດ, ສະຫລຸບຕົວຈິງກ່ຽວກັບການປະຕິຮູບພື້ນຖານບໍລິຫານ, ສ້າງຖັນແຖວພະນັກງານ, ລັດຖະກອນ, ຮັບ ແລະ ມີການເລືອກເຟັ້ນບົດຮຽນຂອງປະເທດຕ່າງໆໃນໂລກເພື່ອສະໜອງບັນດາຂໍ້ອ້າງອີງວິທະຍາສາດໃຫ້ແກ່ການວາງແຜນກຳນົດບັນດາແຜນນະໂຍບາຍ, ນະໂຍບາຍຂອງພັກ, ລັດ, ພ້ອມທັງຍົກສູງລະດັບຄວາມຮູ້ຂອງຖັນແຖວພະນັກງານຄົ້ນຄ້ວາ, ສິດສອນ ແລະ ຍົກສູງຄຸນນະພາບການບຳລຸງສ້າງພະນັກງານ, ລັດຖະກອນຂອງສະຖາບັນ.
ນະພິທີ, ທ່ານປະທານປະເທດເຈືອງເຕິນຊາງ ໄດ້ປະດັບຫຼຽນໄຊໂຮ່ຈິມິນໃຫ້ແກ່ສະຖາບັນການປົກຄອງແຫ່ງຊາດ ແລະ ຫຼຽນໄຊເອກະລາດຊັ້ນ 3 ໃຫ້ແກ່ທ່ານຫງວຽນດັງແທ່ງ, ຮອງລັດຖະມົນຕີກະຊວງພາຍໃນ, ຜູ້ອຳນວຍການ ສະຖາບັນການປົກຄອງແຫ່ງຊາດ./.