(ທ່ານ ຫງວຽນທ້ຽນເຍີນຕ້ອນຮັບພະຄາດິນັນ Cardinal Marx)
(vovworld) – ຕອນບ່າຍວັນທີ 11/01 ທີ່ການຕ້ອນຮັບພະຄາດິນັນ Cardinal Marx, ປະທານສະພາສັງຄະລາດ ສາທາລະນະລັດ ສະຫະພັນ ເຢຍລະມັນ ຢູ່ຮ່າໂນ້ຍ, ທ່ານ ຫງວຽນທ້ຽນເຍີນ ປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ ຢືນຢັນວ່າ: ໃນໄລຍະຜ່ານມາ, ການພົວພັນລະຫວ່າງ ຫວຽດນາມ ແລະ ໂບດ ວາຕິກັງ ມີບາດກ້າວຕັ້ງໜ້າ, ພິເສດແມ່ນໃນບັນດາການຢ້ຽມຢາມໂບດ ວາຕິກັງ ຂອງການນຳພັກ, ລັດ, ແນວໂຮມປະເທດຊາດ ຫວຽດນາມ ແລະ ການພົບປະກັບສັນຕະປາປາ. ທ່ານ ຫງວຽນທ້ຽນເຍີນ ປາດຖະໜາວ່າ: ພາຍຫລັງການຢ້ຽມຢາມ ຫວຽດນາມ ຄັ້ງນີ້ ຂອງພະຄາດິນັນ Cardinal Marx ຈະມີທັດສະນະ ເພື່ອແນໃສ່ຊຸກຍູ້ການພົວພັນລະຫວ່າງ ຫວຽດນາມ ແລະ ເຢຍລະມັນ, ກໍຄືໂບດ ວາຕິກັງ ກ່ວາອີກ.
ສ່ວນພະຄາດິນັນ Cardinal Marx ກໍ່ຫວັງວ່າ: ແນວໂຮມປະເທດຊາດ ຫວຽດນາມ ດ້ວຍບົດບາດ, ທີ່ຕັ້ງຂອງຕົນຈະສືບຕໍ່ເອົາໃຈໃສ່ຊຸກຍູ້ການພັດທະນາຂອງຄອບຄົວຊາວຄຼິດ ຫວຽດນາມ, ສືບຕໍ່ສົ່ງເສີມ ແລະ ສ້າງເງື່ອນໄຂສະດວກກ່ວາອີກ ເພື່ອໃຫ້ຊາວຄຼິດ ຫວຽດນາມ ຍູ້ແຮງບັນດາການເຄື່ອນໄຫວກຸສົນ, ມະນຸດສະທຳ.