ປະທານໂຮ່ຈິມິນແມ່ນນັກການທູດທີ່ເກັ່ງກ້າສາມາດ,ນັກວັດທະນະທຳທີ່ມີຊື່ສຽງ
(ທ່ານຮອງນາຍົກລັດຖະມົນຕີ,
ລັດຖະມົນຕີວ່າການກະຊວງການຕ່າງປະເທດ ຟ້າມບິ່ງມິງ)
(vovworld) – ເນື່ອງໃນໂອກາດສະເຫຼີມສະຫຼອງ 125 ປີແຫ່ງວັນຄ້າຍວັນເກີດປະທານໂຮ່ຈິມິນ, ທ່ານຮອງນາຍົກລັດຖະມົນຕີ, ລັດຖະມົນຕີວ່າການກະຊວງການຕ່າງປະເທດ ຟ້າມບິ່ງມິງ ໄດ້ມີບົດຂຽນດ້ວຍຫົວຂໍ້ວ່າ “ປະທານໂຮ່ຈິມິນ: ການສົມທົບຢ່າງກົມກຽວລະຫວ່າງນັກວັດທະນະທຳຜູ້ມີຊື່ສຽງ ແລະ ນັກການທູດ”. ອົງການວັດທະນະທຳ, ວິທະຍາສາດ ແລະ ການສຶກສາສະຫະປະຊາຊາດ (UNESCO) ໄດ້ເຊີດຊູປະທານໂຮ່ຈິມິນ ແມ່ນນັກວັດທະນະທຳທີ່ດີ່ເດັ່ນ ຍ້ອນມີການປະກອບສ່ວນສຳຄັນ ແລະ ຫຼາຍດ້ານໃນບັນດາຂົງເຂດວັດທະນະທຳ, ການສຶກສາ ແລະ ສິລະປະທ້ອນໂຮມມູນເຊື້ອວັດທະນະທຳຂອງຊາດຫວຽດນາມ ແລະ ເປັນສັນຍາລັກໃຫ້ຄວາມມຸ່ງມາດປາດຖະໜາຂອງຊາດຕ່າງໆ, ຢັ້ງຢືນສີສັນວັດທະນະທຳຂອງຕົນ ແລະ ປາດຖະໜາຢາກເພີ່ມທະວີຄວາມເຂົ້າອົກເຂົ້າໃຈເຊິ່ງກັນແລະກັນລະຫວ່າງປະຊາຊາດ. ບົດຂຽນຢັ້ງຢືນວ່າ, ປະທານໂຮ່ຈິມິນ ແມ່ນນັກການທູດດີເລີດ. ເພີ່ນແມ່ນປະທານປະເທດ ທັງເປັນລັດຖະມົນຕີວ່າການກະຊວງການຕ່າງປະເທດຜູ້ທຳອິດຂອງລັດສາທາລະນະລັດປະຊາທິປະໄຕຫວຽດນາມ. ການສົມທົບກັນຢ່າງກົມກຽວລະຫວ່າງນັກວັດທະນະທຳທີ່ມີຊື່ສຽງ ແລະ ນັກການທູດດີເດັ່ນຂອງປະທານໂຮ່ຈິມິນ ໄດ້ສະແດງອອກຢ່າງແຈ້ງໃນວັດທະນະທຳໃນຈຸດປະສົງ, ປົດປ່ອຍຊາດ, ປົດປ່ອຍມະນຸດ ແລະ ຕໍ່ສູ້ເພື່ອບັນດາຄຸນຄ່າອັນດີງາມຂອງມວນມະນຸດ.