ທ່ານປະທານາທິບໍດີ ອີຢິບ Abdel Fattah al – Sisi
(ພາບປະກອບ)
|
(vovworld) - ວັນກຳມະກອນສາກົນ 1/5 ປີນີ້ສືບຕໍ່ແມ່ນໂອກາດເພື່ອໃຫ້ລັດຖະບານ ແລະ ອົງການຕ່າງໆໃນທົ່ວໂລກເຊີດຊູບັນດາຜູ້ໄດ້ເຮັດວຽກຢ່າງສຸດຈິດສຸດໃຈເພື່ອພາລະກິດພັດທະນາຂອງປະເທດຊາດ, ພ້ອມທັງກໍ່ເພື່ອໃຫ້ຊາວຜູ້ອອກແຮງງານສະແດງສຽງເວົ້າ, ຄຳຮຽກຮ້ອງຕ້ອງປັບປຸງເງື່ອນໄຂເຮັດວຽກ. ຢູ່ ອີຢິບ, ເນື່ອງໃນໂອກາດວັນກຳມະກອນ 1/5, ທ່ານປະທານາທິບໍດີ Abdel Fattah al – Sisi ໄດ້ຍ້ອງຍໍຊົມເຊີຍຊາວຜູ້ອອກແຮງງານເຮັດວຽກໃນທຸກໆຂະແໜງການ ດ້ວຍບັນດາການປະກອບສ່ວນອັນໃຫຍ່ຫຼວງ ໄດ້ຊ່ວຍສ້າງສາປະເທດຊາດ ແລະ ນຳມາເຊິ່ງບັນດາຜົນປະໂຫຍດໃຫ້ປະຊາຊົນທຸກຄົນ.
ໃນສານທີ່ໄດ້ຍົກອອກມາເນື່ອງໃນໂອກາດວັນກຳມະກອນສາກົນ, ທ່ານປະທານາທິບໍດີ ມຽນມາ U Htin Kyaw ໄດ້ຮຽກຮ້ອງໃຫ້ຊາວຜູ້ອອກແຮງງານ ແລະ ບັນດາເຈົ້າຂອງວິສາຫະກິດມານະພະຍາຍາມເຮັດວຽກ, ພ້ອມກັນຮ່ວມມືເພື່ອພັດທະນາປະເທດຊາດ. ທ່ານປະທານາທິບໍດີ ມຽນມາ U Htin Kyaw ເນັ້ນໜັກ ຕ້ອງເພີ່ມທະວີການພົວພັນແຮງງານຍຸຕິທຳ ແລະ ຫລຸດຜ່ອນສະພາບການຂູດຮີດຄົນງານ.
ຢູ່ກູບາ, ປະຊາຊົນນັບພັນຄົນໄດ້ເຕົ້າໂຮມຢູ່ໃຈກາງນະຄອນຫຼວງ ລາຮາວານ ເພື່ອເດີນຂະບວນ ແລະ ແຫ່ຮູບເຄິ່ງຄິງການນຳ Fidel Castro. ບັນດາຜູ້ຈັດຕັ້ງການເດີນຂະບວນຢູ່ລາຮາວານໃຫ້ຮູ້ວ່າ ເຫດການນີ້ເພື່ອແນໃສ່ສະແດງການສະໜັບສະໜູນສຳລັບລັດຖະບານ Venezuela, ພັນທະມິດ, ຄູ່ຮ່ວມມືການຄ້າສຳຄັນຂອງ ກູບາໃນພາກພື້ນ.