ອາເມລິກາເພີ່ມທະວີການປ້ອງກັນຄວາມສະຫງົບ
ພາບ:internet
|
(vovworld)- ວັນທີ 4/7, ບັນດາການເຄື່ອນໄຫວສະເຫລີມສະຫລອງວັນຊາດອາເມລິກາ ດຳເນີນໃນສະພາບການປ້ອງກັນຄວາມສະຫງົບໄດ້ຮັບການເພີ່ມທະວີຢູ່ໃນລະດັບສູງ ພາຍຫລັງເກີດບັນດາເຫດບຸກໂຈມຕີກໍ່ການຮ້າຍທີ່ນອງເລືອດຫວ່າງແລ້ວນີ້ ຢູ່ ອີຣັກ, ຕວກກີ ແລະ ບັງກະລາແທດ. ທີ່ນິວຢອກ ມີຕຳຫລວດກວ່າ 2000 ຄົນ ໄດ້ເພີ່ມທະວີການຜັນຂະຫຍາຍການປະຕິບັດຫນ້າທີ່ລາດຕະເວນ, ໃນຂະນະນັ້ນ ຢູ່ Chicago ມີກວ່າ 5000 ຄົນ. ໃນຊຸມມື້ນີ້, ໄດ້ດຳເນີນການເຄື່ອນໄຫວຫລາຍຢ່າງເພື່ອສະເຫລີມສະຫລອງ ວັນຊາດ ອາເມລິກາ ຄື: ການຍິງບັ້ງໄຟດອກ, ການເດີນຂະບວນ, ການຕັ້ງຄ້າຍ, ແຂ່ງຂັນເຮັດເຂົ້າຫນົມ ໂດຍມີການເຂົ້າຮ່ວມຂອງປະຊາຊົນໃນທົ່ວປະເທດນັບລ້ານໆຄົນ. ໃນຂະນະນັ້ນ, ທີ່ກົມຮັກສາສຳເນົາແຫ່ງຊາດ ອາເມລິກາ ຢູ່ນະຄອນຫລວງ ວໍຊິງຕັນ ໄດ້ຈັດການເຄື່ອນໄຫວວາດພາບເຖິງພິທີອ່ານປະກາດຖະແຫລງເອກະລາດປີ 1776. ນອກນັ້ນ ຢູ່ ທຳນຽບຂາວ ກໍໄດ້ຈັດລາຍການສະແດງສິລະປະເພື່ອສະເຫລີມສະຫລອງວັນຊາດຂອງອາເມລິກາ.