ປາແລດສະຕິນ ປະຕິເສດ ການເຈລະຈາກັບອາເມລິກາກ່ຽວກັບແຜນການສ້າງສັນຕິພາບຢູ່ຕາເວັນອອກກາງ
(VOVWORLD) -ວັນທີ 28 ມິຖຸນາອຳນາດການປົກຄອງ ປາແລັດສະຕິນໄດ້ປະຕິເສດມີການຕິດຕໍ່ພົວພັນ ກັບອາເມລິກາບໍ່ວ່າຄັ້ງໃດ, ພາຍຫຼັງສື່ມວນຊົນອິດສະລາແອັນໄດ້ເອົາລົງຂ່າວທີ່ມີການເຈລະຈາລະຫວ່າງ ອາເມລິກາ ແລະ ປາແລັດສະຕິນ ກ່ຽວກັບແຜນການສ້າງສັນຕິພາບ ຢູ່ພາກພື້ນຕາເວັນອອກກາງ ຂອງ ທ່ານ Donald Trump ປະທານາທິບໍດີ ອາເມລິກາ.
ເຂດຕັ້ງຖິ່ນຖານ Mechola ຢູ່ຮ່ອມພູ Jordan ເຂດຝັ່ງຕາເວັນຕົກ (ພາບ: AFP/TTXVN)
|
ທ່ານ Nabil Abu Rudeineh ໂຄສົກຂອງທ່ານ Mahmoud Abbas ປະທານາທິບໍດີ ປາແລັດສະຕິນໄດ້ຊີ້ແຈ້ງວ່າ ປາແລັດສະຕິນ ຍັງບໍ່ທັນມີການປ່ຽນແປງຫຼັກໝັ້ນກ່ຽວກັບການພົວພັນກັບອຳນາດການປົກຄອງຂອງອາເມລິກາໃນປັດຈຸບັນກໍ່ຄືຂອງອິດສະລາແອັນ. ທ່ານ Abu Rudeineh ອີກຄັ້ງໜຶ່ງຢັ້ງຢືນວ່າ ການນຳປາແລັດສະຕິນ ຄັດຄ້ານບັນດາການເຄື່ອນໄຫວໂຮມເຂົ້າດິນແດນຂອງອິດສະລາແອັນ ແລະ ທ່ານກໍ່ເນັ້ນໜັກວ່າ ບັນດາແຜນການໂຮມດິນແດນໃນຄັ້ງດຽວ ຫຼື ຕາມໄລຍະລ້ວນແຕ່ແມ່ນ “ບັນຫາຫຼັກການ”.