ອຳນາດການປົກຄອງຕົວເມືອງຕ້ອງຮັບໃຊ້ປະຊາຊົນ
(ພາບປະກອບ:baomoi.com)
(vovworld) - ກອງປະຊຸມສຳມະນາຮັບເອົາຄຳເຫັນບັນດາກະຊວງ, ອົງການສູນກາງ, ບັນດາຜູ້ຊ່ຽວຊານ, ນັກວິທະຍາສາດ, ນັກຄຸ້ມຄອງ ແລະ ຜູ້ແທນຕາງໜ້າ 32 ແຂວງນະຄອນເຂດພາກໃຕ້ ກ່ຽວກັບແຜນຮ່າງຮູບແບບການຈັດຕັ້ງອຳນາດການປົກຄອງຕົວເມືອງ ໄດ້ຖືກຈັດຂຶ້ນໃນວັນທີ 24/12 ຢູ່ນະຄອນໂຮ່ຈິມິນ. ບັນດາຜູ້ແທນທີ່ເຂົ້າຮ່ວມກອງປະຊຸມສຳມະນາຖືວ່າ:ການປ່ຽນໃໝ່ຮູບແບບການຈັດຕັ້ງ ອຳນາດການປົກຄອງຕົວເມືອງຕ້ອງກະທັດລັດ, ກຳນົດຢ່າງຈະແຈ້ງພາລະໜ້າທີ່, ຄວາມຮັບຜິດຊອບ, ສິດອຳນາດລະຫວ່າງໝູ່ຄະນະ ແລະ ຜູ້ນຳອົງການບໍລິຫານ; ບັນດາວິທີການເລືອກເຟັ້ນ, ຂໍ້ສະເໜີຕ້ອງສອດຄ່ອງກັບທັດສະນະ, ແຜນນະໂຍບາຍຂອງພັກ, ລັດກ່ຽວກັບການປ່ຽນໃໝ່ການຈັດຕັ້ງ, ການເຄື່ອນໄຫວຂອງອຳນາດການປົກຄອງທ້ອງຖິ່ນ. ບັນດາຜູ້ແທນເນັ້ນໜັກວ່າ, ໃນໄລຍະຈະມາເຖິງ, ອຳນາດການປົກຄອງຂັ້ນຕ່າງໆຕ້ອງເຮັດແຈ້ງຮູບແບບການຈັດຕັ້ງ, ພາລະໜ້າທີ່, ສິດອຳນາດ ແລະ ກົນໄກການເຄື່ອນໄຫວຂອງອຳນາດການປົກຄອງໃນບໍລິເວນຕົວເມືອງ ແລະ ເຂດຊົນນະບົດ, ພ້ອມທັງເພີ່ມທະວີຄວາມຮັບຜິດຊອບຕໍ່ຜູ້ນຳໜ້າ, ຮັບປະກັນລັກສະນະເອກະພາບ, ທະລຸລ່ວງຂອງກົງຈັກບໍລິຫານຈາກສູນກາງລົງຮອດຮາກຖານ, ສ້າງບາດກ້າວໃໝ່ເພື່ອແນໃສ່ຍົກສູງຜົນສັກສິດ, ປະສິດທິຜົນແຫ່ງການເຄື່ອນໄຫວຂອງອຳນາດການປົກຄອງທ້ອງຖິ່ນຂັ້ນຕ່າງໆ.