ຜູ້ຕາງໜ້າສາສະໜາຕ່າງໆອວຍພອນປີໃໝ່ຄະນະກຳມະການສູນກາງແນວໂຮມປະເທດຊາດຫວຽດນາມ
ສະມາຄົມສາສະໜາ ກາວດ່າຍ
(ພາບປະກອບ)
|
(vovworld) – ຕອນບ່າຍວັນທີ 5/2, ຄະນະຜູ້ແທນສະມາຄົມສາສະໜາ ກາວດ່າຍ ແລະ ສຳນັກສັງຄະລາດ ເຂດຊວນໂລກ ໄດ້ມາຢ້ຽມຢາມ ແລະ ອວຍພອນປີໃໝ່ຄະນະກຳມະການສູນກາງແນວໂຮມປະເທດຊາດ ຫວຽດນາມ. ທ່ານ ເລບ໋າຈິ່ງ, ຮອງປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ ໄດ້ພົບປະ ແລະ ຕ້ອນຮັບຄະນະ. ໜ້າທີ່ນີ້, ທ່ານ ຮອງປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ ເລບ໋າຈິ່ງ ປາດຖະໜາຢາກໃຫ້ບັນດາຜູ້ມີຍົດຖະບັນດາສັກ ແລະ ບັນດາສາສະນິກກະຊົນຂອງສະມາຄົມ ສາສະໜາ ກາວດ່າຍສືບຕໍ່ເສີມຂະຫຍາຍນ້ຳໃຈສາມັກຄີ, ປະກອບສ່ວນເຂົ້າໃນພາລະກິດພັດທະນາປະເທດຊາດ.
ແລະກໍ່ໃນວັນດຽວກັນ, ການນຳຄະນະກຳມະການສູນກາງແນວໂຮມປະເທດຊາດ ຫວຽດນາມ ໄດ້ໃຫ້ການຕ້ອນຮັບຄະນະຜູ້ແທນສຳນັກສັງຄະລາດ ຊວນໂລກ ໂດຍທ່ານ ຫງວຽນວັນຈ໋ຽນ, ປະທານສະພາມະນຸດສະທຳເປັນຫົວໜ້າຄະນະໄດ້ອວຍພອນປີໃໝ່. ທີ່ການຕ້ອນຮັບ, ທ່ານ ເລບ໋າຈິ່ງ ຢັ້ງຢືນວ່າ: ຄະນະກຳມະການສູນກາງແນວໂຮມປະເທດຊາດ ຫວຽດນາມ ມີຄວາມປິຕິຊົມຊື່ນເມື່ອເຫັນວ່າບັນດາການເຄື່ອນໄຫວມະນຸດສະທຳ ຂອງສຳນັກສັງຄະລາດ ເຂດຊວນໂລກ ມີບາດກ້າວພັດທະນາເປັນຢ່າງດີ, ການພົວພັນລະຫວ່າງບັນດາສັງຄະລາດ, ເຈົ້າອະທິການ, ສາສະນິກະຊົນ ກັບອຳນາດການປົກຄອງນັບມື້ນັບສະໜິດຕິພັນຂຶ້ນຕື່ມ. ທ່ານຫວັງວ່າບັນດາຜູ້ມີຍົດຖາບັນດາສັກສາສະໜາຄຼິດສ້າງເງື່ອນໄຂເພື່ອໃຫ້ຄະນະກຳມະການສາມັກຄີສາສະໜາຄຼິດເຄື່ອນໄຫວເປັນຢ່າງດີກ່ວາອີກ, ເສີມຂະຫຍາຍບົດບາດເປັນຂົວຕໍ່ລະຫວ່າງອຳນາດການປົກຄອງກັບບັນດາສາສະນິກະຊົນ.