(vovworld) – ວັນທີ 07/09, ໜັງສືພິມ “the Nation” ຂອງໄທ ໃຫ້ຂ່າວວ່າ, ຜູ້ຖືກສົງໄສຊາວຕ່າງປະເທດທີ່ກ່ຽວຂ້ອງເຖິງເຫດວາງລະເບີດຢູ່ວິຫານ ເອຮາວັນ, ຢູ່ນະຄອນຫຼວງບາງກອກ ເມື່ອເດືອນກ່ອນ ຖືກຈັບຕົວໃນວັນທີ 01/09 ໄດ້ຍອມຮັບວ່າ ໄດ້ຂົນສົ່ງລະເບີດລູກໜຶ່ງໃຫ້ຜູ້ນຸ່ງເສື້ອສີເຫຼືອງທີ່ຖືກສົງໄສວ່າ ແມ່ນຜູ້ວາງລະເບີດ. ຕາມບົດໜັງສືພິມດັ່ງກ່າວ, ຜູ້ຖືກສົງໄສຖືກຈັບຕົວຢູ່ແຂວງ ສະແກ້ວ, ຕິດກັບເຂດຊາຍແດນກຳປູເຈຍ, ຍັງບໍ່ທັນຮູ້ສັນຊາດ ແລະ ຊື່ເທື່ອ, ໄດ້ເປີດເຜີຍກັບນັກສືບສວນວ່າ ໄດ້ຮັບຄຳສັ່ງຂອງຜູ້ທີ່ມີຊື່ວ່າ “Izaan”, ຕ້ອງຊື້ບັນດາອັດຖຸລະເບີດທາງອິນເຕີແນດ. ພາຍຫຼັງຜະລິດລະເບີດສຳເລດ, ຜູ້ນີ້ໄດ້ລາຍງານກັບ Izaan ແລະ ໄດ້ຮັບຄຳສັ່ງສົ່ງລະເບີດໃຫ້ຊາຍຄົນໜື່ງນຸ່ງເສຶ້ອສີເຫຼືອງ, ຜູ້ຖືກສົງໄສໄດ້ວາງລະເບີດຢູ່ວິຫານ ເອຣາວັນ. ຜູ້ນີ້ຍັງໃຫ້ຮູ້ວ່າ, Izaan ໄດ້ເດີນທາງອອກຈາກໄທ ເມື່ອວັນທີ 16/08 ແລະ ໄດ້ອອກຄຳສັ່ງໃຫ້ຜູ້ວາງລະເບີດນຸ່ງເສື້ອສີເຫຼືອງ ແລະ ຜູ້ນຸ່ງເສື້ອສີຂຽວ ເຊິ່ງຖືກຖືວ່າໄດ້ວາງລະເບີດຢູ່ທ່າກໍ່າປັນ ສາທອນ ເມື່ອວັນທີ 18/08.
ແລະກໍໃນວັນດຽວກັບ, ວົງການເຈົ້າໜ້າທີ່ໄທ ໄດ້ອອກຄຳສັ່ງຈັບຕົວຊາວຕ່າງປະເທດ 2 ຄົນທີ່ສົງໄສວ່າກ່ຽວຂ້ອງເຖິງເຫດວາງລະເບີດຢູ່ບາງກອກ ແລະ ສໍ້ຖາມ ຊາວອີນເດຍ 2 ຄົນ ຢູ່ເຂດເຮືອນລວມໃນສະຖານທີ່ເຊິ່ງບັນດານັກສືບສວນເກັບກຳວັດຖຸລະເບີດໄດ້.