(vovworld) – ຕອນບ່າຍວັນທີ 13/01, ຄະນະປະຕິບັດງານລະຫວ່າງກະຊວງຂອງຫວຽດນາມ ໄດ້ມີການເຮັດວຽກກັບສະຖານທູດຫວຽດນາມ ປະຈຳລາວ, ສະຫະສະມາຄົມຊາວຫວຽດນາມ ຢູ່ລາວ ແລະ ສະມາຄົມຊາວຫວຽດນາມ ຢູ່ນະຄອນຫຼວງວຽງຈັນ. ການໄປປະຕິບັດງານຂອງຄະນະຄັ້ງນີ້ແມ່ນເພື່ອກວດກາສະພາບການຕົວຈິງຂອງຊາວຫວຽດນາມ ທີ່ມີຄຸນງາມຄວາມດີພວມອາໄສຢູ່ລາວ ເພື່ອມີພື້ນຖານຄົ້ນຄວ້າ, ເພີ່ມເຕີມປັບປຸງແຜນຮ່າງລະບອບ, ນະໂຍບາຍທີ່ມີຕໍ່ຊາວຫວຽດນາມ ທີ່ມີຄຸນງາມຄວາມດີພວມອາໄສຢູ່ຕ່າງປະເທດ. ມີຫຼາຍຄຳເຫັນປະກອບສ່ວນຂອງພໍແມ່ປະຊາຊົນວົງຄະນະຍາດໄດ້ສະແດງຄວາມສະເທືອນໃຈຕໍ່ຄວາມເອົາໃຈໃສ່ຂອງພັກ ແລະ ລັດ ທີ່ມີຕໍ່ຊາວຫວຽດນາມ ທີ່ມີຄຸນງາມຄວາມດີພວມອາໄສຢູ່ຕ່າງປະເທດ. ພໍ່ແມ່ປະຊາຊົນຫວັງວ່າ, ແຜນຮ່າງຈະໄດ້ຮັບການຄົ້ນຄວ້າຢ່າງລະອຽດ, ກະກຽມເປັນຢ່າງດີ ແລະ ໄດ້ຮັບການຜັນຂະຫຍາຍໂດຍໄວ.