(vovworld) - ຕອນເຊົ້າວັນທີ 11/12, ໄດ້ດຳເນີນກອງປະຊຸມ “ຜັນຂະຫຍາຍແຜນຮ່າງຊ່ວຍເຫຼືອຄົນພິການໄລຍະ 2012 - 2020” (ແຜນຮ່າງ 1019), ໂດຍກະຊວງແຮງງານທະຫານເສຍອົງຄະ ແລະ ສັງຄົມ ສົມທົບກັບກອງທຶນເດັກນ້ອຍສະຫະປະຊາຊາດ (UNICEF), ຈັດຕັ້ງ. ແຜນຮ່າງ “ຊ່ວຍເຫຼືອຄົນພິການໄລຍະ 2012 - 2020” ໄດ້ວາງອອກ 9 ຄາດໝາຍ, ສຸມໃສ່ເຂົ້າໃນການຊ່ວຍເຫຼືອຄົນພິການສຳພັດກັບບັນດາຄາດດໝາຍກ່ຽວກັບວັດທະນະທຳ, ການສຶກສາ, ຄົມມະນາຄົມ, ພັດທະນາເສດຖະກິດ… ໃຫ້ນັບມື້ນັບມີປະສິດທິຜົນ. ກ່າວຄຳເຫັນທີ່ກອງປະຊຸມ, ທ່ານຮອງລັດຖະມົນຕີກະຊວງແຮງງານທະຫານເສຍອົງຄະ ແລະ ສັງຄົມ ຫງວຽນຈ້ອງດ່າມ (Nguyen Trong Dam) ໃຫ້ຮູ້ວ່າ.
“ນີ້ແມ່ນໜ້າທີ່ເສດຖະກິດສັງຄົມສຳຄັນຂອງບັນດາກະຊວງ ແລະ ທ້ອງຖິ່ນ. ນະໂຍບາຍ, ໂຄງການຂອງລັດທັງໝົດ ລ້ວນແຕ່ໄດ້ຮັບການສ້າງຂຶ້ນຈາກຂັ້ນຮາກຖານ. ເພາະສະນັ້ນ, ປະທານຄະນະກຳມະການປະຊາຊົນ, ສະພາປະຊາຊົນຕ້ອງມີຄວາມຮັບຜິດຊອບປະຕິບັດ. ຕ້ອງປະຕິບັດຢ່າງຂ້ຽວຂາດ ເພ່ືອໃຫ້ໝົດງວດທີ 1 ປີ 2013 ບັນດາທ້ອງຖິ່ນລ້ວນແຕ່ໄດ້ຮັບການອະນຸມັດຜ່ານໂຄງການນີ້, ເພື່ອໃຫ້ພວກເຮົາຜັນຂະຫຍາຍຢ່າງຄົບຊຸດ”.