ພາບປະກອບ
|
(vovworld) - ຕອນເຊົ້າວັນທີ 20/3, ຢູ່ຮ່າໂນ້ຍ, ກະຊວງສຶກສາ ແລະ ບຳລຸງສ້າງ ຈັດຕັ້ງກອງປະຊຸມຜັນຂະຫຍາຍແຜນຮ່າງປັບປຸງ ແລະ ພັດທະນາລະບົບໂຮງຮຽນມັດທະຍົມກິນນອນຊົນເຜົ່າໄລຍະ 2011 – 2015. ແຜນຮ່າງໄດ້ລົງທຶນຈຳນວນເງິນກ່ວາ 4.000 ຕື້ດົ່ງ, ເພື່ອແນໃສ່ຈຸດໝາຍຮອດປີ 2015 ທົ່ວປະເທດມີໂຮງຮຽນມັດທະຍົມກິນນອນຊົນເຜົ່າເກືອບ 320 ແຫ່ງໄດ້ລົງທຶນຍົກລະດັບ ແລະ ກໍ່ສ້າງໃໝ່ດ້ວຍວັດຖຸອຸປະກອນທັນສະໄໝ, ຄົບຊຸດຮັບໃຊ້ຄວາມຕ້ອງການຮ່ຳຮຽນໃຫ້ແກ່ນັກຮຽນ 90.000 ຄົນ, ສູ້ຊົນເພື່ອເຮັດໃຫ້ຈຳນວນໂຮງຮຽນກິນນອນຊົນເຜົ່າທີ່ບັນລຸມາດຕະຖານລະດັບຊາດ ກວມ 30%. ແຕ່ເຖິງຢ່າງໃດກໍ່ຕາມ, ບັນຫາເຊິ່ງຜູ້ແທນເຂົ້າຮ່ວມກອງປະຊຸມເອົາໃຈໃສ່ທີ່ສຸດນັ້ນແມ່ນ ການປຸກລະດົມແຫຼ່ງທຶນໃນໄລຍະສັ້ນແມ່ນຫຍູ້ງຍາກ. ທ່ານນາງ ຫງວຽນທິເງັຍ, ລັດຖະມົນຕີຊ່ວຍວ່າການກະຊວງສຶກສາ ແລະ ບຳລຸງສ້າງໃຫ້ຮູ້ວ່າ:
“ຄວາມຕ້ອງການຍັງຫຼາຍຢູ່, ແຕ່ປະເທດພັດປະສົມກັບຄວາມຫຍູ້ງຍາກ. ຂ້າພະເຈົ້າຄິດວ່າ, ຕ້ອງການມີການສົມທົບລະຫວ່າງກະຊວງສຶກສາ - ບຳລຸງສ້າງ ກັບບັນດາກະຊວງຂະແໜງການສູນກາງທີ່ສຸດ, ການຊີ້ນຳຢ່າງທັນການຂອງລັດຖະບານ, ບັນດາທ້ອງຖິນ. ສ່ວນຄ່າໃຊ້ຈາຍໃຫ້ແກ່ແຜນຮ່າງແມ່ນຕ້ອງມີການສົມທົບລະຫວ່າງສູນກາງ ແລະ ທ້ອງຖິ່ນ, ສົມທົບກັບບັນດາໂຄງການແຜນຮ່າງອື່ນຂອງລັດຖະບານ. ດັ່ງນັ້ນ, ພວກຂ້າພະເຈົ້າຈະພິຈາລະນາ ກັບກະຊວງການເງິນ, ກະຊວງແຜນການ - ການລົງທຶນ ສະເໜີມາດຕະການປະຕິບັດໂດຍໄວ.”