(vovworld) – ຕອນບ່າຍວັນທີ 05/03, ຜູ້ປະຈຳການຄະນະເລຂາ ເລຮົ່ງແອງ ໄດ້ນຳໜ້າຄະນະປະຕິບັດງານສູນກາງ ລົງເຮັດວຽກກັບຄະນະປະຈຳຄະນະພັກແຂວງ ກາເມົາ ກ່ຽວກັບສະພາບປະຕິບັດການພັດທະນາເສດຖະກິດສັງຄົມ, ວຽກງານກໍ່ສ້າງພັກປີ 2014 ແລະ ວຽກງານກະກຽມໃຫ້ກອງປະຊຸມໃຫຍ່ອົງຄະນະພັກທຸກຂັ້ນ ອາຍຸການ 2015 – 2020. ກ່າວຄຳເຫັນທີ່ການເຮັດວຽກ, ທ່ານເລຮົ່ງແອງ ຕັກເຕື່ອນວ່າ: ຄະນະປະຈຳຄະນະພັກແຂວງ ກາເມົາ ຄວນສືບຕໍ່ເສີມຂະຫຍາຍ, ຍົກສູງປະສິດທິຜົນວຽກງານກໍ່ສ້າງພັກ, ອຳນາດການປົກຄອງ; ເພີ່ມທະວີການຄຸ້ມຄອງຕາມກົນໄກຊີ້ນຳນຳພາ, ລັດຄຸ້ມຄອງ, ປະຊາຊົນເປັນເຈົ້າ. ບັນດາອົງການການເມືອງ ສັງຄົມ ຍູ້ແຮງວຽກງານໂຄສະນາ, ຂົນຂວາຍປະຊາຊົນປະຕິບັດແຜນນະໂຍບາຍ, ແນວທາງ, ນະໂຍບາຍຂອງພັກ ແລະ ກົດໝາຍຂອງລັດ, ເສີມຂະຫຍາຍກຸ່ມກ້ອນມະຫາສາມັກຄີທົ່ວປວງຊົນທັງຊາດ, ສ້າງຊີວິດວັດທະນະທຳຂັ້ນຮາກຖານ, ກໍ່ສ້າງຊົນນະບົດໃໝ່. ທ່ານເລຮົ່ງແອງ ຖືວ່າ: ໃນປີ 2015, ແຂວງຕ້ອງສ້າງບາດກ້າວບຸກທະລຸຢ່າງແຮງໃນການຊີ້ນຳ, ບໍລິຫານການພັດທະນາເສດຖະກິດສັງຄົມ ບົນຈິດໃຈປະຕິບັດການປະຢັດ, ປະຕິບັດວຽກງານຮັບປະກັນຊີວິດສັງຄົມ, ຮັບປະກັນສະຖຽນລະພາບດ້ານການເມືອງ, ຄວາມເປັນລະບຽບຮຽບຮ້ອຍທາງສັງຄົມ…