(vovworld) - ວັນທີ 30/1. ຢູ່ນະຄອນໂຮ່ຈີມິນ, ຄະນະສາສະໜາລັດຖະບານ, ກະຊວງພາຍໃນ ໄດ້ຈັດຕັ້ງກອງປະຊຸມສຳມະນາຮັບເອົາຄຳເຫັນຂອງບັນດາ ຜູ້ມີຍົດຖາບັນດາສັກ, ນັກບວດຂອງບາງອົງການສາສະໜາ ທີ່ປະກອບໃສ່ຮ່າງປັບປຸງລັດຖະທຳມະນູນ ປີ 1992. ຄຳເຫັນສ່ວນຫຼາຍໄດ້ເຫັນດີຕໍ່ເລື່ອງປັບປຸງລັດຖະທຳມະນູນປີ 1992 ແມ່ນ ຈຳເປັນ, ສາມາດຕອບສະໜອງຄວາມຕ້ອງການການພັດທະນາເສດຖະກິດ - ສັງຄົມຂອງປະເທດຊາດໃນປະຈຸບັນ ກໍ່ຄືໃນສະພາບການເຊື່ອມໂຍງເຂົ້າກັບເສດຖະກິດສາກົນ. ພະອາຈານໃຫຍ່ ເຮ້ວທົງ (Hue Thong), ຜູ້ຕ່າງໜ້າສະມາຄົມພຸດທະສາສະໜາ ຫວຽດນາມ ຢູ່ນະຄອນ ໂຮ່ຈີມິນ ຖືວ່າ: ຮ່າງລັດຖະທຳມະນູນສະບັບປັບປຸງ ຄວນເຮັດໃຫ້ຈະແຈ້ງ ແລະ ຈັດແບ່ງວຽກງານຢ່າງລະອຽດກ່ວາອີກ: ສະພາແຫ່ງຊາດແມ່ນອົງການນິຕິບັນຍັດ, ລັດຖະບານແມ່ນອົງການບໍລິຫານ, ສານ ແລະ ອົງການໄອຍາການແມ່ນອົງການຕຸລາການ
ບັນດາຄຳເຫັນທີ່ກອງປະຊຸມສຳມະນາເຫັນດີເຫັນພ້ອມຕໍ່ເລື່ອງລັດຖະທຳມະນູນກຳນົດບັນດາສາສະໜາມີສິດສະເໝີພາບຕໍ່ກົດໝາຍ, ບໍ່ມີໃຜມີສິດແຕະຕ້ອງເຖິງຄວາມເຊື່ອໝັ້ນ, ອຸດົມຄະຕິ, ຫຼັກທຳມະຂອງບັນດາສາສະໜາພວມດຳເນີນຊີວິດຖືກກັບກົດໝາຍ. ຍາມໃດລັດກໍ່ສ້າງເງື່ອນໄຂອຳນວຍຄວາມສະດວກໃຫ້ບັນດາອົງການສາສະໜາເຂົ້າຮ່ວມໂຄງການຫັນວຽກງານສຶກສາ, ສາທາລະນະສຸກ, ການເຄື່ອນໄຫວກຸສົນມາເປັນຂອງສັງຄົມ.