ທ່ານປະທານສະພາແຫ່ງຊາດ ກ່າວຄຳເຫັນ
ຢູ່ກອງປະຊຸມສະໄໝສາມັນເທື່ອທີ 10 ສະພາແຫ່ງຊາດຊຸດທີ 13
(ພາບ: VGP/NhatBac)
(vovworld) – ເມື່ອຕິດຕາມວາລະຊັກຖາມໃນວັນທີ 16/11 ຢູ່ກອງປະຊຸມສະໄໝສາມັນເທື່ອທີ 10 ສະພາແຫ່ງຊາດຊຸດທີ 13, ຜູ້ມີສິດເລືອກຕັ້ງຢູ່ນະຄອນ ດ່າໜັງ ຕີລາຄາສູງການປ່ຽນໃໝ່ຮູບການຊັກຖາມ ແລະ ຕອບຄຳຊັກຖານໃນຄັ້ງນີ້. ທ່ານ ເຈີ່ນວັນໝີ ຜູ້ມີສິດເລືອງຕັ້ງເມືອງ ເຊີນຈາ ນະຄອນ ດ່າໜັງ ຖືວ່າ:
“ຜູ້ມີສິດເລືອງຕັ້ງມີຄວາມສົນໃຈທີ່ສຸດ ໃນກອງປະຊຸມສະພາແຫ່ງຊາດຄັ້ງນີ້ແມ່ນ ຮູບການຊັກຖາມໄດ້ປ່ຽນໃໝ່. ສະມາຊິກສະພາແຫ່ງຊາດ ສາມາດຕັ້ງຄຳຖາມ ບໍ່ວ່າສະມາຊິກໃດ ຂອງຄະນະລັດຖະບານ ກ່ຽວກັບບັນດາຄຳໝັ້ນໝາຍຕໍ່ໜ້າຜູ້ມີສິດເລືອງຕັ້ງ. ຈາກນັ້ນ, ເຮັດແຈ້ງຄວາມຮັບຜິດຊອບຂອງບັນດາຫົວໜ້າຂະແໜງການກ່ຽວກັບຄຳໝັ້ນໝາຍຂອງຕົນ”
ຜູ້ມີສິດເລືອກຕັ້ງ ຫງວຽນແທງກວາງ ເທດສະບານ ຢາເຫງຍ ແຂວງ ດັກນົງ ເວົ້າວ່າ:
“ຂ້າພະເຈົ້າເຫັນວ່າ, ໂດຍຜ່ານບົດລາຍງານ ແລະ ບາງຄຳເຫັນທີ່ສະມາຊິກສະພາແຫ່ງຊາດຊັກຖາມໃນຄັ້ງນີ້ ລ້ວນແຕ່ສ່ອງແສງຖືກຄວາມມຸ່ງມາດປາດຖະໜາຂອງຜູ້ມີສິດເລືອກຕັ້ງໃນບັນດາຂົງເຂດເສດຖະກິດ - ສັງຄົມ, ຊີວິດການເປັນຢູ່ຄື: ຮັບປະກັນຄວາມສະຫງົບທາງດ້ານສັງຄົມ, ພັດທະນາເສດຖະກິດ. ພິເສດ, ລັດຖະບານ ກໍສຸມໃສ່ແກ້ໄຂບັນດາຂົງເຂດປາຍແຫຼມຢ່າງມີປະສິດທິຜົນ. ຄຽງຂ້າງນັ້ນ, ຜູ້ມີສິດເລືອງຕັ້ງຍັງເອົາໃຈໃສ່ເຖິງຫລາຍບັນຫາຄື: ຕ້ານການສໍ້ລາດບັງຫລວງ, ຮັບປະກັນສິດຂອງປະຊາຊົນ ເມື່ອປະຕິບັດໂຄງການໃຫຍ່. ບັນຫາໜຶ່ງອີກແມ່ນກ່ຽວກັບກະສິກຳ ແລະ ພັດທະນາຊົນນະບົດ”.