ທ່ານລັດຖະມົນຕີວ່າການ, ຫົວໜ້າຄະນະກຳມະການຊົນເຜົ່າ ຢ່າງແຊວຝື
|
(vovworld) – ຕາມລາຍການຂອງວາລະຊັກຖາມຄັ້ງທີ 36 ຂອງ ຄະນະປະຈຳສະພາແຫ່ງຊາດຊຸດທີ 13, ຕອນບ່າຍວັນທີ 13/3, ຄະນະປະຈຳສະພາແຫ່ງຊາດ ໄດ້ດຳເນີນວາລະຊັກຖາມທ່ານລັດຖະມົນຕີວ່າການ, ຫົວໜ້າຄະນະກຳມະການຊົນເຜົ່າ ຢ່າງແຊວຝື. ຕາມການຕີລາຄາຂອງທ່ານ Yring Adrong, ຫົວໜ້າຄະນະຊົນເຜົ່າແຂວງດັກລັກ ແລ້ວ, ເລື່ອງປະຕິບັດນະໂຍບາຍລົງທຶນພັດທະນາເສດຖະກິດ, ສັງຄົມຢູ່ເຂດຊົນເຜົ່າສ່ວນໜ້ອຍ ແລະ ເຂດປະສົບກັບຄວາມຫຍຸ້ງຍາກເປັນພິເສດ, ໄດ້ນຳມາເຊິ່ງປະສິດທິຜົນສຳຄັນ. ບັນດາຂົງເຂດເສດຖະກິດ, ວັດທະນະທຳ, ສັງຄົມ, ການສຶກສາ, ສາທາລະນະສຸກ… ໄດ້ຮັບການພັດທະນາ, ພື້ນຖານໂຄງລ່າງທີ່ຈຳເປັນໄດ້ຮັບການລົງທືນໂດຍພື້ນຖານ, ອັນໄດ້ນຳມາເຊິ່ງປະສິດທິຜົນທີ່ແທດຈິງ, ສະພາບການຜະລິດຂອງບັນດາຄອບຄົວມີການຫັນປ່ຽນຕາມທິດຕັ້ງໜ້າ, ຊີວິດທາງດ້ານວັດຖຸ, ຈິດໃຈຂອງປະຊາຊົນນັບມື້ນັບໄດ້ຮັບການຍົກສູງຂຶ້ນ. ທ່ານ ຫງວຽນຈູງຮ໋ຽວ, ປະທານຄະນະກຳມະການປະຊາຊົນແຂວງຊອກຈັງ, ຖືວ່າ: ລາຍການລົງທຶນພັດທະນາເສດຖະກິດ, ສັງຄົມຢູ່ເຂດຊົນເຜົ່າສ່ວນໜ້ອຍ, ເຂດປະສົບກັບຄວາມຫຍຸ້ງຍາກເປັນພິເສດ ສະແດງໃຫ້ເຫັນຄວາມເອົາໃຈໃສ່ຂອງພັກ, ລັດທີ່ມີຕໍ່ປະຊາຊົນຢູ່ເຂດຫ່າງໄກ, ເຂດຊົນເຜົ່າສ່ວນໜ້ອຍ, ປະກອບສ່ວນປະຕິບັດສຳເລັດແຜນນະໂຍບາຍ, ນະໂຍບາຍຂອງພັກ, ລັດກ່ຽວກັບການຫຼຸດຜ່ອນຄວາມທຸກຍາກ; ກໍ່ສ້າງກຸ່ມກ້ອນມະຫາສາມັກຄີທົ່ວປວງຊົນທັງຊາດ.