(ພາບປະກອບ)
(vovworld) - ພາຍຫຼັງຕິດຕາມກອງປະຊຸມສະໄໝສາມັນເທື່ອທີ 2, ສະພາແຫ່ງຊາດຊຸດທີ 14 ທີ່ດຳເນີນໃນໄລຍະຜ່ານມາ, ຜູ້ມີສິດເລືອກຕັ້ງທົ່ວປະເທດຕີລາຄາສູງຄຸນນະພາບຂອງກອງປະຊຸມນີ້, ໂດຍສະເພາະແມ່ນບັນດາວາລະຊັກຖາມ ແລະ ຕອບຄຳຊັກຖາມ ກໍຄືການໂຕ້ວາທີຂອງບັນດາສະມາຊິກສະພາແຫ່ງຊາດສຳລັບຜູ້ຖືກຊັກຖາມ. ຜ່ານໝາກຜົນກອງປະຊຸມໄດ້ສ້າງຄວາມໄວ້ເນື້ອເຊື່ອໃຈຂອງຜູ້ມີສິດເລືອກຕັ້ງຕໍ່ສະພາແຫ່ງຊາດຕື່ມອີກ. ຜູ້ມີສິດເລືອກຕັ້ງ ໂດ້ຫງອກແທງ, ຢູ່ນະຄອນໂຮ່ຈິມິນ ໃຫ້ຂໍ້ສັງເກດວ່າ.
“ນີ້ແມ່ນກອງປະຊຸມບັນລຸປະສິດທິຜົນທີ່ສຸດ, ກອງປະຊຸມນີ້ໄດ້ຮັບຮອງເອົາຫຼາຍເນື້ອໃນສຳຄັນ ທີ່ກ່ຽວຂ້ອງໂດຍກົງເຖິງຊີວິດການເປັນຢູ່ຂອງປະຊາຊົນ ແລະ ການພັດທະນາຂອງປະເທດຊາດຄື: ຢຸດຕິການກໍ່ສ້າງໂຄງການໄຟຟ້ານິວເຄຼຍຢູ່ແຂວງ ນິງທ້ວນ, ຮັບຮອງເອົາດຳລັດກ່ຽວກັບການປະຕິບັດທົດລອງອອກວີຊາເອເລກໂຕນິກໃຫ້ຄົນຕ່າງປະເທດເຂົ້າເມືອງຫວຽດນາມ, ຮັບຮອງເອົາກົດໝາຍວ່າດ້ວຍການເຫຼື້ອມໄສເຊື່ອຖືສາສະໜາ… ຂ້າພະເຈົ້າຕີລາຄາສູງບັນດາວາລະຊັກຖາມ ແລະ ຕອບຄຳຊັກຖາມຂອງທ່ານນາຍົກລັດຖະມົນຕີ ແລະ ບັນດາສະມາຊິກລັດຖະບານ, ແມ່ນໄດ້ກຳແໜ້ນບັນຫາ ແລະ ຕອບຄຳຊັກຖາມຢ່າງລະອຽດ, ມີຄວາມຮັບຜິດຊອບ, ຍອມຮັບຂໍ້ຂາດຕົກບົດພ່ອງ ແລະ ຍົກອອກບັນດາມາດຕະການແກ້ໄຂຢ່າງເໝາະສົມ. ຂ້າພະເຈົ້າເຫັນວ່າ, ໃນກອງປະຊຸມຄັ້ງນີ້, ບັນດາສະມາຊິກສະພາແຫ່ງຊາດໄດ້ກຳແໜ້ນຫຼາຍບັນຫາວິຊາສະເພາະ, ເສດຖະກິດ, ຊີວິດສັງຄົມ, ສະນັ້ນຈຶ່ງມີການໂຕ້ວາທີຢ່າງແໜ້ນແຟ້ນ”.
ເມື່ອຕິດຕາມບັນດາວາລະຊັກຖາມ ແລະ ຕອບຄຳຊັກຖາມຂອງບັນດາສະມາຊິກລັດຖະບານຢູ່ກອງປະຊຸມສະໄໝສາມັນເທື່ອທີ 2 ສະພາແຫ່ງຊາດຊຸດທີ 14, ຜູ້ມີສິດເລືອກຕັ້ງແຂວງ ຢາລາຍ ຟານໂຮ່ຢາງ ໃຫ້ຮູ້ວ່າ:
“ກອງປະຊຸມສະໄໝສາມັນຄັ້ງນີ້ແມ່ນປະຊາທິປະໄຕ, ມີຄວາມຮັບຜິດຊອບ ແລະ ກົງໄປກົງມາທີ່ສຸດ. ພິເສດແມ່ນຈຸດໃໝ່ໃນວາລະຊັກຖາມຂອງສະພາແຫ່ງຊາດ, ຮູບ ການຕອບຄຳຊັກຖາມໂດຍກົງ, ສະແດງໃຫ້ເຫັນບົດບາດຂອງບັນດາຜູ້ແທນ ກໍ່ຄືຄວາມຮັບຜິດຊອບໃນການຕອບຊັກຖາມຂອງບັນດາສະມາຊິກໃນລັດຖະບານ”
ຜູ້ມີສິດເລືອກຕັ້ງບັນດາແຂວງທາງພາກກາງຕີລາຄາວ່າກອງປະຊຸມໄດ້ມີການປ່ຽນແປງຫຼາຍຢ່າງ, ກົງໄປກົງມາ ແລະ ໄດ້ຍົກອອກບັນດາມາດຕະການພັດທະນາເສດຖະກິດສັງຄົມໃນໄລຍະຈະມາເຖິງ. ທ່ານ ຫງວຽນມິງຄວາມຢູ່ ດ່ານັ້ງ ມີຄາມປະທັບໃຈຕໍ່ການບໍລິຫານຂອງທ່ານນາງປະທານສະພາແຫ່ງຊາດ ຫງວຽນທິກິມເງິນ ຢູ່ວາລະປະຊຸມຕ່າງໆ:
“ຂ້າພະເຈົ້າຖືວ່າການບໍລິຫານຂອງທ່ານນາງປະທານສະພາແຫ່ງຊາດ ຫງວຽນທິກິມເງິນ ໄດ້ສະແດງໃຫ້ເຫັນຄຸນນະທາດ, ພູມປັນຍາຂອງປະທານສະພາແຫ່ງຊາດ. ທ່ານນາງໄດ້ສ້າງບັນຍາກາດປະຊາທິປະໄຕ, ເສີມຂະຫຍາຍສິດປະຊາທິປະໄຕ ແລະ ສິດດຳເນີນຊີວິດດ້ານການເມືອງຂອງປະຊາຊົນໃນກອງປະຊຸມ. ນັ້ນແມ່ນບາດກ້າວໃໝ່ໃນວິວັດຫັນສັງຄົມຢູ່ ຫວຽດນາມ ເປັນປະຊາທິປະໄຕ“