ຜູ້ມີສິດເລືອກຕັ້ງສະໜັບສະໜູນແຜນນະໂຍບາຍຕໍ່ສູ້ປັກປັກຮັກສາອະທິປະໄຕຜືນແຜ່ນດິນຂອງພັກ ແລະ ລັດ
ທ່ານ ເລຮົ່ງແອງ, ຜູ້ປະຈຳການຄະນະເລຂາສູນກາງພັກ, ສ.ສ.ຊ ນະຄອນເກີນເທີ ໄດ້ມີການພົບປະກັບ ຜູ້ມີສິດເລືອກຕັ້ງກຳລັງປະກອບອາວຸດທະຫານເຂດ 9
|
(vovworld)- ໂດຍສືບຕໍ່ການເຄື່ອນໄຫວພົບປະກັບຜູ້ມີສິດເລືອກຕັ້ງ ພາຍຫຼັງກອງປະຊຸມເທື່ອທີ 7 ສະພາແຫ່ງຊາດຫວຽດນາມຊຸດທີ 13, ຕອນບ່າຍວັນທີ 25/6, ທີ່ກອງບັນຊາການທະຫານເຂດ 9 , ທ່ານ ເລຮົ່ງແອງ, ຜູ້ປະຈຳການຄະນະເລຂາສູນກາງພັກ, ສ.ສ.ຊ ນະຄອນເກີນເທີ ໄດ້ມີການພົບປະກັບ ຜູ້ມີສິດເລືອກຕັ້ງກຳລັງປະກອບອາວຸດທະຫານເຂດ 9 . ທີ່ການພົບປະ, ບັນດາ ຜູ້ມີສິດເລືອກຕັ້ງໄດ້ຕີລາຄາສູງບັນດາໝາກຜົນທີ່ບັນລຸໄດ້ທີ່ກອງປະຊຸມເທື່ອນີ້, ພິເສດແມ່ນແຈ້ງການຖະແຫຼງຫຼັກໝັນອັນເປັນທຳຂອງຫວຽດນາມກ່ຽວກັບອະທິປະໄຕຢູ່ທະເລຕາເວັນອອກ. ບັນດາ ຜູ້ມີສິດເລືອກຕັ້ງໄດ້ສະເໜີສະພາແຫ່ງຊາດ, ລັດຖະບານ ແລະ ບັນດາກະຊວງ, ຂະແໜງການຕ່າງໆຈົ່ງມີມາດຕະການຕ່າງໆທີ່ແຂງແຮງກວ່າອີກໃນວຽກງານປ້ອງກັນ ແລະ ຕ້ານໄພສໍ້ລາດບັງຫຼວງ; ຍູ້ແຮງວຽກງານສ້າງຊົນນະບົດໃໝ່. ກ່ຽວກັບບັນຫາທະເລຕາເວັນອອກ, ບັນດາຜູ້ມີສິດເລືອກຕັ້ງຖືວ່າ ຄວນຕີລາຄາຢ່າງຖືກຕ້ອງກ່ຽວກັບທາດແທ້ຂອງຈີນເພື່ອວາງວິທີການປະພຶດທີ່ເໝາະສົມ.