ຜູ້ມີສິດເລືອກຕັ້ງເຊື່ອໝັ້ນຕໍ່ໝາກຜົນຂອງກອງປະຊຸມຄັ້ງທີ 11, ສະພາແຫ່ງຊາດຊຸດທີ 13
ຜູ້ມີສິດເລືອກຕັ້ງເຊື່ອໝັ້ນຕໍ່ໝາກຜົນຂອງກອງປະຊຸມຄັ້ງທີ 11, ສະພາແຫ່ງຊາດຊຸດທີ 13
(ພາບປະກອບ)
(vovworld) - ກອງປະຊຸມຄັ້ງທີ 11 ແມ່ນກອງປະຊຸມສຸດທ້າຍຂອງສະພາແຫ່ງຊາດຊຸດທີ 13 ບັນລຸຜົນສຳເລັດຢ່າງດີງາມ. ຜູ້ມີສິດເລືອກຕັ້ງຫຼາຍຄົນໄດ້ສະແດງຄວາມສົນໃຈຕໍ່ໝາກຜົນຂອງກອງປະຊຸມ. ຜູ້ມີສິດເລືອກຕັ້ງ ໂດ້ວັນຮຸ່ງ, ຢູ່ເທດສະບານ ຢາເຫງັ້ຍ, ແຂວງ ດັກນົງ ໃຫ້ຮູ້ວ່າ.
“ຜູ້ມີສິດເລືອກຕັ້ງພວກຂ້າພະເຈົ້າໄດ້ຕິດຕາມກອງປະຊຸມຄັ້ງທີ 11 ຢ່າງໃກ້ຊິດ. ສິ່ງທີ່ໜ້າສົນໃຈທີ່ສຸດນັ້ນແມ່ນ ສະພາແຫ່ງຊາດໄດ້ບຸລະນະບຸກຄະລາກອນຂັ້ນສູງຂອງລັດ. ພວກຂ້າພະເຈົ້າສະໜັບສະໜູນ ແລະ ຕີລາຄາສູງໝາກຜົນການເຮັດວຽກຂອງກອງປະຊຸມນີ້ ກໍຄືຮັບຮູ້ອາຍຸການ ດ້ວຍບັນດາວຽກງານສຳຄັນຍິງ ເຊິ່ງບັນດາສະມາຊິກສະພາແຫ່ງຊາດ ເຮັດໄດ້. ກ່ຽວກັບບັນດາບຸກຄະລາກອນຂັ້ນສູງ, ພວກຂ້າພະເຈົ້າເຊື່ອໝັ້ນຕໍ່ການເລືອກຕັ້ງ ແລະ ມອບໝາຍໜ້າທີ່ຂອງສະພາແຫ່ງຊາດແມ່ນຖືກຕ້ອງ. ຜູ້ມີສິດເລືອກຕັ້ງພວກຂ້າພະເຈົ້າປາດຖະໜາວ່າ, ບັນດາການນຳໃໝ່ຈະມີບັນດາລັດຖະນະໂຍບາຍ, ຍຸດທະສາດຢ່າງຖືກຕ້ອງ, ນຳປະເທດເຊື່ອມໂຍງ ແລະ ພັດທະນາກວ່າອີກ; ເດັດດຽວຕ້ານການສໍ້ລາດບັງຫຼວງ. ກ່ຽວກັບການຕ່າງປະເທດ, ຜູ້ມີສິດເລືອກຕັ້ງປາດຖະໜາຢາກແກ້ໄຂສະພາບການທະເລຕາເວັນອອກໃຫ້ສຳເລັດ”.
ສ່ວນຜູ້ມີສິດເລືອກຕັ້ງ ຟ້າມວັນຕື, ຢູ່ ເມືອງ ຮ່ວາງມາຍ, ຮ່າໂນ້ຍ ເຊື່ອໝັ້ນວ່າ.
“ຜ່ານການຕິດຕາມກອງປະຊຸມຂອງສະພາແຫ່ງຊາດຄັ້ງນີ້, ຂ້າພະເຈົ້າເຫັນວ່າ, ວຽກງານບຸກຄະລາກອນໄດ້ຮັບການແກ້ໄຂເປັນຢ່າງດີ. ບັນດາການກຳນົດທິດ, ບົດກ່າວປາໄສ ຢ່າງກົງໄປກົງມາກ່ຽວກັບການເຄື່ອນໄຫວຂອງປະທານປະເທດ, ປະທານສະພາແຫ່ງຊາດ, ນາຍົກລັດຖະມົນຕີ ແມ່ນຈະແຈ້ງທີ່ສຸດ, ອັນໄດ້ສ້າງຄວາມໄວ້ເນື້ອເຊື່ອໃຈໃຫ້ປະຊາຊົນ, ເປັນພື້ນຖານເຄື່ອນໄຫວໃນອະນາຄົດ”.