ຜູ້ມີສິດເລືອກຕັ້ງເຫັນດີ ກັບຫຼັກໝັ້ນຂອງສະພາ ແຫ່ງຊາດກ່ຽວກັບ ທະເລຕາເວັນອອກ
(ທ່ານປະທານສະພາແຫ່ງຊາດຫວຽດນາມ ຫງວຽນຊິງຮຸ່ງ)
(vovworld) – ທີ່ກອງປະຊຸມສະໄໝສາມັນເທື່ອທີ 7 ສະພາແຫ່ງຊາດຫວຽດນາມ ຊຸດທີ 13 ໄດ້ອອກແຈ້ງການຢືນຢັນເລື່ອງຈີນ ຕັ້ງຮ້ານເຈາະນ້ຳມັນໄຮ່ຢາງ 981 ໃນເຂດເສດຖະກິດຈຳເພາະ ແລະ ໄຫຼ່ທະວີບຂອງຫວຽດນາມ ແມ່ນລະເມີດອະທິປະໄຕ, ສິດອະທິປະໄຕ, ສິດອຳນາດສານຂອງຫວຽດນາມ ຢ່າງຮ້າຍແຮງ. ສະພາແຫ່ງຊາດກໍ່ຮຽກຮ້ອງໃຫ້ປະຊາຊົນ, ນັກຮົບ ແລະ ຊາວຫວຽດນາມ ທັງຢູ່ພາຍໃນ ແລະ ພວມອາໄສຢູ່ຕ່າງປະເທດ ຕັດສິນໃຈຄັດຄ້ານບັນດາການລ່ວງລ້ຳ, ຜິດພາດຂອງຝ່າຍຈີນ. ໃນບົດກ່າວປາໄສກ່ອນທີ່ອັດກອງປະຊຸມ ເມື່ອວັນທີ 24/06 ຂອງທ່ານປະທານສະພາແຫ່ງຊາດຫວຽດນາມ ຫງວຽນຊິງຮຸ່ງ ເມື່ອເຕື້ອງເຖິງສະພາບການຢູ່ທະເລຕາເວັນອອກ, ໄດ້ຊີ້ແຈ້ງຫຼັກໝັ້ນ, ທັດສະນະຂອງຫວຽດນາມ. ທ່ານຮ່າແທງຊວນ, ຜູ້ມີສິດເລືອກຕັ້ງນະຄອນອຽນບ໋າຍ ຖືວ່າ.
“ສະພາແຫ່ງຊາດໄດ້ເນັ້ນໜັກເຖິງຄວາມຕັດສິນໃຈປົກປັກຮັກສາເຂດທະເລ, ໝູ່ເກາະທີ່ສັກກະລະບູຊາຂອງປະເທດຊາດ. ພວກຂ້າພະເຈົ້າເຫັນດີ, ຮ່ວມແຮງຮ່ວມໃຈປົກປັກຮັກສາເຂດທະເລ, ໝູ່ເກາະທີ່ສັກກະລະບູຊາຂອງປະເທດຊາດ.”
ສ່ວນທ່ານ ຟ້າມວັນສິ໋ງ, ຜູ້ມີສິດເລື່ອງຕັ້ງນະຄອນ ບວນເມທວດ, ແຂວງ ດັກລັກ ໃຫ້ຮູ້ວ່າ.
“ພວກຂ້າພະເຈົ້າເຫັນດີ ແລະ ເປັນເອກະພາບນຳກັນຕໍ່ການແກ້ໄຂໂດຍສັນຕິພາບຢູ່ທະເລຕາເວັນອອກຂອງບັນດາການນຳພັກ, ສະພາແຫ່ງຊາດ, ລັດຖະບານ ທີ່ໄດ້ຖະແຫຼງ. ມີຫຼາຍຄຳເຫັນຂອງບັນດາສະມາຊິກສະພາແຫ່ງຊາດ ຍົກອອກມາກ່ຽວກັບສະພາບຢູ່ທະເລຕາເວັນອອກ. ຂ້າພະເຈົ້າຄິດວ່າ, ການນຳພັກ, ລັດ ຕ້ອງເອົາໃຈໃສ່ເຖິງບັນດາຄຳເຫັນທີ່ສຸດຈິດສຸດໃຈຂອງບັນດາສະມາຊິກສະພາແຫ່ງຊາດ ເພື່ອເຮັດແນວໃດ ຫວຽດນາມ ທັງພັດທະນາເສດຖະກິດ, ທັງປົກປັກຮັກສາຜືນແຜ່ນດິນອັນຄົບຖ້ວນ”.