(ພາບ:xaluan.com)
(vovworld)-ຕອນຄ່ຳວັນທີ 1/9, ຜູ້ອອກສະໝັດຮັບເລືອກຕັ້ງນາຍົກລັດຖະມົນຕີເຢຍລະມັນ 2 ທ່ານ ໃນການເລືອກຕັ້ງຊື່ງຈະດຳເນີນໃນວັນທີ 22/9 ທີ່ຈະມາເຖິງ, ລວມມີທ່ານ Peer Steibruck ຂອງພັກປະຊາທິປະໄຕ-ສັງຄົມ (SPD) ແລະ ທ່ານນາງ Angela Merkel ຂອງພັນທະມິດ ປະຊາທິປະໄຕ-ສັງຄົມ ກຼິດຕັນ (CDU/CSU) ໄດ້ດຳເນີນການໂຕ້ວາທີໂດຍກົງເປັນຄັ້ງດຽວທີ່ແກ່ຍາວໃນເວລາ 90 ນາທີໃນທາງໂທລະພາບ. ທ່ານ Peer Steibruck ປະກາດວ່າ: ຖ້າໄດ້ຮັບໄຊຊະນະໃນການເລືອກຕັ້ງ, ທ່ານຈະສູ້ຊົນຮັດແຄບຄວາມຜິດໂຕນລະຫວ່າງຜູ້ຮັ່ງມີ ແລະ ຜູ້ທຸກຍາກໃນສັງຄົມດ້ວຍການນຳໃຊ້ລະດັບເງິນພື້ນຖານຕ່ຳສຸດ 8,5 ເອີໂຣ/ຊົ່ວໂມງ ໃນຂະນະທີ່ທ່ານນາງ Angela Merkel ຍັງຮັກສານະໂຍບາຍນຳໃຊ້ລະດັບເງິນຕາມແຕ່ລະຂະແໜງວິຊາຊີບ ແລະ ລະດັບເງິນນີ້ໂດຍວົງການເຈົ້າຂອງພ້ອມດ້ວຍວິສາຫະກິດເຈລະຈາດ້ວຍຕົນເອງ. ບັນດານັກສັງເກດການຖືວ່າ: ໃນການໂຕ້ວາທີດ່ັງກ່າວ, ຜູ້ອອກສະໝັດຮັບເລືອກຕັ້ງສອງຄົນລ້ວນແຕ່ມີຄວາມລະມັດລະວັງ, ບໍ່ເຂົ້າເລິກບັນດາບັນຫາໄດ້ເຕື້ອງເຖິງ. ປະຈຸບັນ, ມີຜູ້ມີສິດເລືອກຕັ້ງ 48% ສະແດງການສະໜັບສະໜູນທ່ານນາງ Angela Merkel ແລະ ມີ 45% ຈຳນວນຜູ້ສະໜັບສະໜູນ ທ່ານ Peer Steibruck ເປັນນນາຍົກລັດຖະມົນຕີເຢຍລະມັນ.