(vovworld) - ວັນທີ 16/06, ທ່ານຫົວໜ້າອົງການສືບລາຊະການລັບສູນກາງອາເມລິກາ (CIA) John Brennan ໄດ້ກ່າວເຕືອນວ່າ, ອົງການ “ລັດອິດສະລາມ” (IS) ອ້າງຊື່ເອງ ພວມດຳເນີນການເຟິກອົບຮົມ ແລະ ມີກົນອຸບາຍຜັນຂະຫຍາຍນັກສືບ ເພື່ອຫວັງປະຕິບັດການບຸກໂຈມຕີເປັນຫຼາຍຄັ້ງອີກ ທີ່ເລັ່ງໃສ່ບັນດາເປົ້າໝາຍຂອງຝ່າຍຕາເວນຕົກ. ກ່າວຄຳເຫັນຕໍ່ໜ້າກຳມາທິການສືບລາຊະການລັບສະພາສູງອາເມລິກາ, ທ່ານ John Brennan ໃຫ້ຮູ້ວ່າ, IS ໄດ້ ແລະ ພວມມານະພະຍາຍາມກໍ່ສ້າງກົງຈັກບັນຊາ ແລະ ປຸກລຸກການບຸກໂຈມຕີໃສ່ “ບັນດາສັດຕູຕ່າງປະເທດ”, ທີ່ຄ້າຍຄືກັບບັນດາເຫດບຸກໂຈມຕີຫວ່າງມໍ່ໆມານີ້ຢູ່ປາຣີ, ປະເທດຝລັ່ງ ແລະ ບຣຸກແຊນ, ປະເທດແບນຊິກ ເຊິ່ງ CIA ຖືວ່າ ໂດຍບັນດາຫົວໂປ IS ຊີ້ນຳ. ຕາມທ່ານແລ້ວ, ປະຈຸບັນ IS ມີມືປືນຝ່າຍຕາເວນຕົກເປັນຈຳນວນຫຼາຍ ທີ່ມີຄວາມສາມາດເຄື່ອນໄຫວຄ້າຍຄືນັກສືບ ເພື່ອຮັບໃຫ້ບັນດາເຫດບຸກໂຈມຕີຂອງຝ່າຍຕາເວນຕົກ. ຄຽງຂ້າງນັ້ນ, IS ອາດສາມາດສົ່ງບັນດາມືປືນນີ້ເຂົ້າເຂດດິນແດນຂອງຫຼາຍປະເທດ, ບາງເທື່ອຈະປອມຕົວເປັນຊາວລິໄພ ຫຼື ຜ່ານບັນດາຮູບການທ່ອງທ່ຽວຢ່າງຖືກຕ້ອງຕາມກົດໝາຍ.