(vovworld) - ກອງປະຊຸມຝຶກອົບຮົມພະນັກງານຫຼັກແຫຼ່ງແນວໂຮມຂັ້ນສູນກາງ ແລະ ຂັ້ນແຂວງ, ຂັ້ນເມືອງຂອງ 25 ແຂວງ, ນະຄອນທາງພາກເໜືອ ກ່ຽວກັບວຽກງານຈັດຕັ້ງກອງປະຊຸມໃຫຍ່ແນວໂຮມທຸກຂັ້ນ ໂດຍຄະນະປະຈຳຄະນະກຳມະການແນວໂຮມປະເທດຊາດຫວຽດນາມ ຈັດຕັ້ງໃນຕອນເຊົ້າວັນທີ 02/07, ຢູ່ຮ່າໂນ້ຍ. ກອງປະຊຸມຊາບຊືມ ແລະ ປຶກສາຫາລືບາງເນື້ອໃນ, ສຸມໃສ່ເຂົ້າໃນ 3 ຫົວເລື່ອງສະເພາະຕົ້ນຕໍ່ຄື: ຫົວເລື່ອງຊາບຊຶມມະຕິສູນກາງຄັ້ງທີ 7 ຊຸດທີ 11 ກ່ຽວກັບການເພີ່ມທະວີ ແລະ ປ່ຽນໃໝ່ການນຳພາຂອງພັກສຳລັບວຽກງານຂົນຂວາຍປະຊາຊົນໃນສະພາບການໃໝ່;ທະລຸລົງ ,ຍຸດທະສາດມະຫາສາມັກຄີ, ຊາບຊືມຄຳສັ່ງຂອງຄະນະເລຂາສູນກາງພັກ, ບົດແນະນຳຂອງຄະນະປະຈຳການ ເພື່ອກະກຽມໃຫ້ກອງປະຊຸມໃຫຍ່ແນວໂຮມປະເທດຊາດຫວຽດນາມ ທຸກຂັ້ນ ມຸ່ງໄປເຖິງກອງປະຊຸມໃຫຍ່ຜູ້ແທນທົ່ວປະເທດແນວໂຮມປະເທດຊາດຫວຽດນາມຄັ້ງທີ 8. ຫົວເລື່ອງສະເພາະແນະນຳການສ້າງຮ່າງບົດລາຍງານການເມືອງທີ່ກອງປະຊຸມໃຫຍ່ແນວໂຮມປະເທດຊາດຫວຽດນາມ ຂັ້ນຕາແສງ, ເມືອງ, ແຂວງ ແລະ ວຽກງານໂຄສະນາກ່ຽວກັບກອງປະຊຸມໃຫຍ່ແນວໂຮມປະເທດຊາດຫວຽດນາມທຸກຂັ້ນ ມຸ່ງໄປເຖິງກອງປະຊຸມໃຫຍ່ຜູ້ແທນທົ່ວປະເທດແນວໂຮມປະເທດຊາດຫວຽດນາມຄັ້ງທີ 8 ແລະ ຫົວເລື່ອງແນະນຳການກະກຽມບຸກຄະລາກອນກອງປະຊຸມໃຫຍ່ແນວໂຮມປະເທດຊາດຫວຽດນາມທຸກຂັ້ນ. ກອງປະຊຸມສະຫງວນເວລາສ່ວນຫຼາຍເພື່ອໃຫ້ບັນດາຜູ້ແທນປຶກສາຫາລື, ແລກປ່ຽນ ແລະ ສະເໜີບັນດາບັນຫາທີ່ໜ້າສົນໃຈ.