(vovworld) – ວັນທີ 12/1, ປະທານາທິບໍດີ ຝຣັ່ງ Francois Hollande ຖະແຫຼງ: ໄດ້ອອກຄຳສັ່ງຮັດແໜ້ນການປ້ອງກັນຄວາມສະຫງົບພາຍໃນປະເທດ, ເຊິ່ງລວມມີບັນດາມາດຕະການຕ້ານກໍ່ການຮ້າຍ, ພາຍຫຼັງທີ່ ປາຣີມີບັນດາການກະທຳຕ້ານກຳລັງ ອິດສະລາມ ຫົວຮຸ້ນແຮງ ຢູ່ Mali ແລະ Somalia. ທ່ານ Hollande ໃຫ້ຮູ້ວ່າ: ຝຣັ່ງ ໄດ້ນຳໃຊ້ທຸກໆມາດຕະການປ້ອງກັນທີ່ຈຳເປັນຕໍ່ໜ້າໄພກໍ່ການຮ້າຍ, ໃນນັ້ນມີເລື່ອງຕິດຕາມກວດກາບັນດາສຳນັກງານຂອງລັດ ແລະ ເຄືອຂ່າຍຄົມມະນະຄົມ. ການກະທຳດັ່ງກ່າວເກີດຂຶ້ນ ພາຍຫຼັງທີ່ ກອມມັງໂດ ຝຣັ່ງ ຖືກປະລາໄຊໃນການບຸກໂຈມຕີ ເພື່ອກູ້ເອົານັກສືບຂ່າວຜູ້ໜຶ່ງຢູ່ Somalia, ເຮັດໃຫ້ 19 ຄົນເສຍຊີວິດ, ກໍຄືເລື່ອງ ຝຣັ່ງ ຜັນຂະຫຍາຍກອງທັບອາກາດ ເພື່ອຊ່ວຍເຫຼືອກອງທັບ Mali ສະກັກກັ້ນທະຫານແຕກທັບ ອິດສະລາມ ບຸກເຂົ້າເຖິງພາກໃຕ້ຂອງປະເທດ ອາບຟຣີກາ ນີ້.