(vovworld) – ຕອນເຊົ້າວັນທີ 05/02, ຢູ່ສຳນັກງານສະຖານທູດຫວຽດນາມ ປະຈຳຝລັ່ງ, ສະຖານທູດຫວຽດນາມ ປະຈຳຝລັ່ງ ໄດ້ສົມທົບກັບອົງການໄປສະນີຝລັ່ງ ຈັດຕັ້ງພິທີປະກາດ 3 ສະແຕມໃໝ່ທີ່ກ່ຽວຂ້ອງເຖິງຫວຽດນາມ. 3 ສະແຕມໃໝ່ມີຮູບພາບທີ່ເປັນເອກະລັກຕິດພັນກັນ 3 ພາກຂອງຫວຽດນາມ ແລະ ເຂັ້ມຂົ້ນໄປດ້ວຍສີສັນສະຖາປັດຍະຍາກຳຂອງຝລັ່ງ. ນັ້ນແມ່ນ ພາບໂຮງລະຄອນໃຫຍ່ຮ່າໂນ້ຍ, ຂົວ ເຈື່ອງຕ່ຽນ ແລະ ແມ່ນ້ຳເຮືອງ (ເຫ້ວ) ແລະ ຮູບພາບທ່າກໍ່າປັນ ຍາຮົ່ງ (ນະຄອນໂຮ່ຈິມິນ). ຊຸດສະແຕມໄດ້ພິມດ້ວຍ 2 ພາສາຝລັ່ງ ແລະ ຫວຽດນາມ.
ກ່າວຄຳເຫັນທີ່ພິທີ, ທ່ານເອກອັກຄະລັດຖະທູດຫວຽດນາມ ປະຈຳຝລັ່ງ ຫງວຽນງອກເຊີນ ເນັ້ນໜັກວ່າ.
“ຊຸດສະແຕມໃໝ່ນີ້, ດ້ວຍຄຸນຄ່າສິລະປະ ແລະ ປະຫວັດສາດຂອງມັນ, ຈະພິສຸດໃຫ້ເຫັນການພົວພັນອັນສະໜິດແໜ້ນ ແລະ ດີງາມລະຫວ່າງຫວຽດນາມ ແລະ ຝລັ່ງ ໃນໜຶ່ງສະຕະວັດຜ່ານມາ.”