(vovworld) - ວັນທີ 10 ພະຈິກ, ຝ່າຍ “ເສື້ອແດງ” ນັບພັນຄົນທີ່ສະໜັບສະໜູນລັດຖະບານໄທ ໄດ້ລົງຖະໜົນແຫ່ຂະບວນຢູ່ນະຄອນຫຼວງບາງກອກ. ນີ້ແມ່ນການກະທຳສະແດງກຳລັງທຳອິດຂອງຝ່າຍ “ເສື້ອແດງ” ພາຍຫຼັງການແຫ່ຂະບວນປະທ້ວງຂອງຝ່າຍຄ້ານໃນອາທິດຜ່ານມາ ແນໃສ່ຄັດຄ້ານຮ່າງກົດໝາຍອະໄພຍະໂທດທີ່ກໍ່ຄວາມໂຕ້ຖຽງກັນ. ບັນດາຫົວໜ້າຂອງກຳລັງດັ່ງກ່າວຖືວ່າ ຝ່າຍຄ້ານພວມສວຍໃຊ້ເລື່ອງສະພາແຫ່ງຊາດພິຈາລະນາຮ່າງກົດໝາຍອະໄພຍະໂທດ ເພື່ອແນໃສ່ໂຄ່ນລົ້ມທ່ານນາງນາຍົກລັດຖະມົນຕີ ຍິງຣັກ ສິນນາວັດ ທີ່ໄດ້ຮັບການເລືອກຕັ້ງ. ຕາມຮ່າງກົດໝາຍອະໄພຍາໂທດເຊິ່ງໄດ້ຮັບການຮັບຮອງເອົາຈາກສະພາຕໍ່າໃນວັນທີ 01 ພະຈິກ, ລັດຖະບານຈະອະໄພຍະໂທດໃຫ້ທຸກໆພັກຝ່າຍ ກໍ່ຄືບຸກຄົນຖືກຈັບຕົວຍ້ອນກ່ຽວຂ້ອງເຖິງຈາລະຈົນຢູ່ຖະໜົນນັບແຕ່ປີ 2004. ຝ່າຍຄ້ານຖືວ່າ, ຈຸດປະສົງຕົ້ນຕໍ່ຂອງຫາງສຽງແມ່ນເພື່ອແນໃສ່ “ລົບລ້າງໂທດ” ໃຫ້ອະດີດນາຍົກລັດຖະມົນຕີ ທັກສິນ ສິນນະວັດ, ເປັນອ້າຍຂອງທ່ານນາງນາຍົກລັດຖະມົນຕີໄທ ຍິງຣັກ ສິນນາວັດ ຄົນປະຈຸບັນ.